헬라어 문장 검색 - Πλυταρ́Θυαεστι

(플루타르코스, Quaestiones Convivales, book 1, πῶσ εἰρ́ηται τὸ ποιητὴν δ’ ἀρ́α Ἔρωσ διδάσκει .)

Φιλόξενοσ. ὠνόμασε·

καὶ γὰρ λάλον ποιεῖ τὸν σιωπηλὸν καὶ θεραπευτικὸν τὸν αἰσχυντηλόν, ἐπιμελῆ δὲ καὶ φιλόπονον τὸν ἀμελῆ καὶ ῥᾴθυμον ὃ δ’ ἄν τισ μάλιστα θαυμάσειεν, φειδωλὸσ ἀνήρ τε καὶ μικρολόγοσ ἐμπεσὼν εἰσ ἔρωτα, καθάπερ εἰσ πῦρ σίδηροσ ἀνεθεὶσ καὶ μαλαχθείσ, ἁπαλὸσ καὶ ὑγρὸσ καὶ ἡδίων· ἐλέχθη δὲ καὶ ὅτι τῷ μεθύειν τὸ ἐρᾶν ὅμοιόν ἐστι·

ποιεῖ γὰρ θερμοὺσ καὶ ἱλαροὺσ καὶ διακεχυμένουσ· γενόμενοι δὲ τοιοῦτοι πρὸσ τὰσ ἐπῳδοὺσ καὶ ἐμμέτρουσ μάλιστα φωνὰσ ἐκφέρονται. καὶ τὸν Αἰσχύλον φασὶ τὰσ τραγῳδίασ πίνοντα ποιεῖν καὶ διαθερμαινόμενον.

ἦν δὲ Λαμπρίασ ὁ ἡμέτεροσ πάπποσ ἐν τῷ πίνειν εὑρετικώτατοσ αὐτὸσ αὑτοῦ καὶ λογιώτατοσ·

εἰώθει δὲ λέγειν ὅτι τῷ λιβανωτῷ παραπλησίωσ ὑπὸ θερμότητοσ; ἀναθυμιᾶται. καὶ μὴν ἣδιστα τοὺσ ἐρωμένουσ ὁρῶντεσ οὐχ ἧττον ἡδέωσ ἐγκωμιάζουσιν ἢ ὁρῶσι· καὶ πρὸσ πάντα λάλοσ ὢν ἔρωσ λαλίστατόσ ἐστιν ἐν τοῖσ ἐπαίνοισ.

αὐτοί τε γὰρ οὕτω πεπεισμένοι τυγχάνουσι καὶ βούλονται πεπεῖσθαι πάντασ, ὡσ καλῶν κἀγαθῶν ἐρῶντεσ.

τοῦτο καὶ τὸν Λυδὸν ἐπῆρε Κανδαύλην τῆσ ἑαυτοῦ γυναικὸσ ἐπισπᾶσθαι θεατὴν εἰσ τὸ δωμάτιον τὸν τὴν οὐ βούλονται γὰρ ὑπ’ ἄλλων μαρτυρεῖσθαι· διὸ καὶ γράφοντεσ ἐγκώμια τῶν καλῶν ἐπικοσμοῦσιν αὐτὰ μέλεσι καὶ μέτροισ καὶ ᾠδαῖσ, ὥσπερ εἰκόνασ χρυσῷ καλλωπίζοντεσ, ὅπωσ ἀκούηταί τε μᾶλλον ὑπὸ πολλῶν καὶ μνημονεύηται·

καὶ γὰρ ἂν ἵππον καὶ ἀλεκτρυόνα, κἂν ἄλλο τι τοῖσ ἐρωμένοισ διδῶσι, καλὸν εἶναι καὶ κεκοσμημένον ἐκπρεπῶσ βούλονται καὶ περιττῶσ τὸ δῶρον·

μάλιστα δὲ λόγον κόλακα προσφέροντεσ ἡδὺν ἐθέλουσι φαίνεσθαι καὶ γαῦρον καὶ περιττόν, οἱο͂σ ὁ ποιητικόσ ἐστιν.

ὁ μέντοι Σόσσιοσ ἐπαινέσασ ἐκείνουσ, εἶπεν ὡσ οὐ χεῖρον ἄν τισ ἐπιχειρήσειεν ὁρμηθεὶσ ἀφ’ ὧν Θεόφραστοσ εἴρηκε περὶ μουσικῆσ·

"τὸ βιβλίον ἀνέγνων. "λέγει δὲ Θεόφραστοσ μουσικῆσ ἀρχὰσ τρεῖσ εἶναι, λύπην, ἡδονήν, ἐνθουσιασμόν, ὡσ ἑκάστου τῶν αὐτῶν παρατρέποντοσ ἐκ τοῦ συνήθουσ καὶ παρεγκλίνοντοσ τὴν φωνήν. αἵ τε γὰρ λῦπαι τὸ γοερὸν καὶ θρηνητικὸν ὀλισθηρὸν εἰσ ᾠδὴν ἔχουσι· "διὸ καὶ τοὺσ ῥήτορασ ἐν τοῖσ ἐπιλόγοισ καὶ τοὺσ ὑποκριτὰσ ἐν τοῖσ ὀδυρμοῖσ ἀτρέμα τῷ μελῳδεῖν προσάγοντασ ὁρῶμεν καὶ παρεντείνοντασ τὴν φωνήν. αἵ τε σφοδραὶ περιχάρειαι τῆσ ψυχῆσ τῶν μὲν ἐλαφροτέρων τῷ ἤθει καὶ τὸ σῶμα πᾶν ἐπαίρουσι καὶ παρακαλοῦσιν εἰσ ἔνρυθμον κίνησιν, ἐξαλλομένων καὶ κροτούντων εἴπερ ὀρχεῖσθαι μὴ δύνανται· "μανίαι τ’ ἀλαλαὶ τ’ ὀρινομένων ῥιψαύχενι σὺν κλόνῳ κατὰ Πίνδαρον. "οἱ δὲ χαρίεντεσ ἐν τῷ πάθει τούτῳ γενόμενοι τὴν φωνὴν μόνην εἰσ τὸ ᾅδειν καὶ φθέγγεσθαι μέτρα καὶ μέλη προϊένται. "μάλιστα δ’ ὁ ἐνθουσιασμὸσ ἐξίστησι καὶ παρατρέπει τό τε σῶμα καὶ τὴν φωνὴν τοῦ συνήθουσ καὶ καθεστηκότοσ. "ὅθεν αἵ τε βακχεῖαι ῥυθμοῖσ χρῶνται καὶ τὸ χρησμῳδεῖν ἐμμέτρωσ παρέχεται τοῖσ ἐνθεαζομένοισ· "τῶν τε μαινομένων ὀλίγουσ ἰδεῖν ἔστιν ἄνευ μέτρου καὶ ᾠδῆσ ληροῦντασ. "οὕτω δὲ τούτων ἐχόντων, εἰ βούλοιο καθορᾶν ὑπ’ αὐγὰσ διαπτύξασ τὸν ἔρωτα καὶ καταμανθάνειν, οὐκ ἂν ἄλλο πάθοσ εὑρ́οισ οὔτε λύπασ δριμυτέρασ ἔχον οὔτε σφοδροτέρασ περιχαρείασ οὒτε μείζονασ ἐκστάσεισ καὶ παραφροσύνασ· "ἀλλ’ ὥσπερ τὴν Σοφοκλέουσ πόλιν ἰδεῖν ἔστιν ἀνδρὸσ ἐρωτικοῦ ψυχὴν ὁμοῦ μὲν θυμιαμάτων γέμουσαν, ὁμοῦ δὲ παιάνων τε καὶ στεναγμάτων. "οὐδὲν οὖν ἄτοπον οὐδὲ θαυμαστόν, εἰ πάσασ, ὅσαι μουσικῆσ εἰσιν ἀρχαί, περιέχων ὁ ἔρωσ ἐν αὑτῷ καὶ συνειληφώσ, λύπην ἡδονὴν ἐνθουσιασμόν, τὰ τ’ ἄλλα φιλόφωνόσ ἐστι καὶ λάλοσ εἴσ τε ποίησιν μελῶν καὶ μέτρων, ὡσ οὐδὲν ἄλλο πάθοσ, ἐπίφοροσ καὶ κατάντησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 1, πῶσ εἰρ́ηται τὸ ποιητὴν δ’ ἀρ́α Ἔρωσ διδάσκει .

(플루타르코스, Quaestiones Convivales, book 1, πῶσ εἰρ́ηται τὸ ποιητὴν δ’ ἀρ́α Ἔρωσ διδάσκει .)

상위

목록

SEARCH

MENU NAVIGATION