Plutarch, Quaestiones Convivales, book 1, Πότερον αὐτὸν δεῖ κατακλίνειν τοὺσ ἑστιωμένουσ τὸν ὑποδεχόμενον ἢ ἐπ’ αὐτοῖσ ἐκείνοισ ποιεῖσθαι. 29:

(플루타르코스, Quaestiones Convivales, book 1, Πότερον αὐτὸν δεῖ κατακλίνειν τοὺσ ἑστιωμένουσ τὸν ὑποδεχόμενον ἢ ἐπ’ αὐτοῖσ ἐκείνοισ ποιεῖσθαι. 29:)

"μέλλω συντάττειν ὑμᾶσ ἀλλήλοισ βούλομαι γὰρ προειπεῖν. δοκεῖ γάρ μοι καὶ τὸν Ὅμηρον οὐκ ἀδίκωσ ὁ Θηβαῖοσ αἰτιάσασθαι Παμμένησ ὡσ τῶν ἐρωτικῶν ἄπερον, ὅτι φῦλα φύλοισ συνέταξεν καὶ φρατρίασ φατρίαισ συνέμιξε, δέον ἐραστὴν μετ’ ἐρωμένου παρεμβάλλειν ἵν’ σύμπνουσ ἡ φάλαγξ δι’ ὅλησ ἔμψυχον ἔχουσα δεσμόν. τοιοῦτο κἀγὼ βούλομαι ποιῆσαι τὸ συμπόσιον ἡμῶν, οὐ πλουσίῳ πλούσιον οὐδὲ νέῳ νέον οὐδ’ ἄρχοντι συγκατακλίνων ἄρχοντα καὶ φίλῳ φίλον· "ἀκίνητοσ γὰρ αὕτη καὶ ἀργὴ πρὸσ εὐνοίασ ἐπίδοσιν καὶ γένεσιν ἡ τάξισ· "ἀλλὰ τῷ δεομένῳ τὸ οἰκεῖον προσαρμόττων κελεύω φιλολόγῳ μὲν ὑποκατακλίνεσθαι φιλομαθῆ, δυσκόλῳ δὲ πρᾶον ἀδολέσχῳ δὲ πρεσβύτῃ φιλήκοον νεανίσκον, τῷ δ’ ἀλαζόνι τὸν εἴρωνα τῷ δ’ ὀργίλῳ τὸν σιωπηλόν· "ἐὰν δέ που κατίδω πλούσιον μεγαλόδωρον, ἄξω πρὸσ αὐτὸν ἐκ γωνίασ τινὸσ ἀναστήσασ πένητα χρηστόν, ἵν’ ὥσπερ ἐκ πλήρουσ κύλικοσ εἰσ κενὴν ἀπορροή τισ γένηται. "σοφιστὴν δὲ κωλύω συγκατακλίνεσθαι σοφιστῇ καὶ ποιητὴν ποιητῇ πτωχὸσ γὰρ πτωχῷ φθονέει καὶ ἀοιδὸσ ἀοιδῷ· "καίτερ Σωσικλῆσ οὗτοσ καὶ Μόδεστοσ ἐνταῦθα συνερείδοντεσ ἔποσ παρὰ ζωπυρίων φλόγα μὲν ἀλλὰ κινδυνεύουσι τὰ κάλλιστα, διίστημι δὲ καὶ στραγγαλιῶντασ καὶ φιλολοιδόρουσ; "καὶ ὀξυθύμουσ τινὰ παρεντιθεὶσ μέσον, ὥσπερ μάλαγμα τῆσ ἀντιτυπίασ. "ἀλειπτικοὺσ δὲ καὶ κυνηγετικοὺσ καὶ γεωργικοὺσ συνάγω. "τῶν γὰρ ὁμοιοτήτων ἡ μὲν μάχιμοσ ὥσπερ ἀλεκτρυόνων, ἡ δ’ ἐπιεικὴσ ὥσπερ ἡ τῶν κολοιῶν. συνάγω δὲ καὶ ποτικοὺσ εἰσ ταὐτὸ καὶ ἐρωτικούσ, οὐ μόνον ὅσοισ ἔρωτοσ δῆγμα παιδικῶν πρόσεστιν ὥσ φησι Σοφοκλῆσ, ἀλλὰ καὶ τοὺσ ἐπὶ γυναιξὶ καὶ τοὺσ ἐπὶ παρθένοισ δακνομένουσ· "τῷ γὰρ αὐτῷ θαλπόμενοι πυρὶ μᾶλλον ἀλλήλων ἀντιλήψονται, καθάπερ ὁ κολλώμενοσ σίδηροσ, ἂν μὴ νὴ Δία ταὐτοῦ τύχωσιν ἢ τῆσ αὐτῆσ ἐρῶντεσ.

일치하는 문장이 없습니다.

SEARCH

MENU NAVIGATION