Plutarch, Quaestiones Convivales, book 1, Εἰ δεῖ φιλοσοφεῖν παρὰ πότον. 11:

(플루타르코스, Quaestiones Convivales, book 1, Εἰ δεῖ φιλοσοφεῖν παρὰ πότον. 11:)

"οἶμαι δὲ διηγήσεων εἶναί τι συμποτικὸν γένοσ, ὧν τὰσ μὲν ἱστορία δίδωσι, τὰσ δ’ ἐκ τῶν ἀνὰ χεῖρα πραγμάτων λαβεῖν ἔστι, πολλὰ μὲν εἰσ φιλοσοφίαν παραδείγματα πολλὰ δ’ εἰσ εὐσέβειαν ἐχούσασ, ἀνδρικῶν τε πράξεων καὶ μεγαλοθύμων ἐνίασ δὲ χρηστῶν καὶ φιλανθρώπων ζῆλον ἐπαγούσασ· "αἷσ ἤν τισ ἀνυπόπτωσ χρώμενοσ διαπαιδαγωγῇ τοὺσ πίνοντασ, οὐ τὰ ἐλάχιστα τῶν κακῶν ἀφαιρήσει τῆσ μέθησ. "οἱ μὲν οὖν τὰ βούγλωσσα καταμιγνύντεσ εἰσ τὸν οἶνον καὶ τοῖσ ἀποβρέγμασι τῶν περιστερεώνων καὶ ἀδιάντων τὰ ἐδάφη ῥαίνοντεσ, ὡσ τούτων τινὰ τοῖσ ἑστιωμένοισ εὐθυμίαν καὶ φιλοφροσύνην ἐνδιδόντων, ἀπομιμούμενοι τὴν Ὁμηρικὴν Ἑλένην ὑποφαρμάττουσαν τὸν ἄκρατον, οὐ συνορῶσιν ὅτι κἀκεῖνοσ ὁ μῦθοσ ἐκπεριελθὼν ἀπ’ Αἰγύπτου μακρὰν ὁδὸν εἰσ λόγουσ ἐπιεικεῖσ καὶ πρέποντασ ἐτελεύτησεν ἡ γὰρ Ἑλένη πίνουσιν αὐτοῖσ διηγεῖται περὶ τοῦ Ὀδυσσέωσ· "οἱο͂ν τόδ’ ἔρεξε καὶ ἔτλη καρτερὸσ ἀνήρ, αὐτόν μιν πληγῇσιν ἀεικελίῃσι δαμάσσασ· "τοῦτο γὰρ ἦν ὡσ ἐοίκε τὸ νηπενθὲσ φάρμακον καὶ ἀνώδυνον, λόγοσ ἔχων καιρὸν ἁρμόζοντα τοῖσ ὑποκειμένοισ πάθεσι καὶ πράγμασιν. "οἱ δὲ χαρίεντεσ, κἂν ἀπ’ εὐθείασ φιλοσοφῶσι, τηνικαῦτα διὰ τοῦ πιθανοῦ μᾶλλον ἢ βιαστικοῦ τῶν ἀποδείξεων ἄγουσι τὸν λόγον. "ὁρᾷσ γὰρ ὅτι καὶ Πλάτων ἐν τῷ Συμποσίῳ περὶ τέλουσ διαλεγόμενοσ καὶ τοῦ πρώτου ἀγαθοῦ καὶ ὅλωσ θεολογῶν οὐκ ἐντείνει τὴν ἀπόδειξιν οὐδ’ ὑποκονίεται, τὴν λαβὴν ὥσπερ εἰώθεν εὔτονον ποιῶν καὶ ἄφυκτον, ἀλλ’ ὑγροτέροισ λήμμασι καὶ παραδείγμασι καὶ μυθολογίαισ προσάγεται τοὺσ ἄνδρασ.

일치하는 문장이 없습니다.

SEARCH

MENU NAVIGATION