헬라어 문장 검색 - Πλυταρ́Λψσανδέ19́

(플루타르코스, Λύσανδρος, chapter 19)

ἀλλ’ ἡ μὲν φιλοτιμία τοῦ Λυσάνδρου τοῖσ πρώτοισ καὶ ἰσοτίμοισ ἦν ἐπαχθὴσ μόνον. ὑπεροψίασ δὲ πολλῆσ ἅμα τῇ φιλοτιμίᾳ διὰ τοὺσ θεραπεύοντασ ἐγγενομένησ τῷ ἤθει καὶ βαρύτητοσ, οὔτε τιμῆσ οὔτε τιμωρίασ μέτρον ἦν παρ’ αὐτῷ δημοτικόν, ἀλλὰ φιλίασ μὲν ἆθλα καὶ ξενίασ ἀνυπεύθυνοι δυναστεῖαι πόλεων καὶ τυραννίδεσ ἀνεξέταστοι, θυμοῦ δὲ μία πλήρωσισ ἀπολέσθαι τὸν ἀπεχθόμενον· οὐδὲ γὰρ φυγεῖν ἐξῆν. ἀλλὰ καὶ Μιλησίων ὕστερον τοὺσ τοῦ δήμου προϊσταμένουσ δεδιὼσ μὴ φύγωσι, καὶ προαγαγεῖν τοὺσ κεκρυμμένουσ βουλόμενοσ, ὤμοσε μὴ ἀδικήσειν·

πιστεύσαντασ δὲ καὶ προελθόντασ ἀποσφάξαι τοῖσ ὀλιγαρχικοῖσ παρέδωκεν, οὐκ ἐλάττονασ ὀκτακοσίων συναμφοτέρουσ ὄντασ. ἦν δὲ καὶ τῶν ἄλλων ἐν ταῖσ πόλεσι δημοτικῶν φόνοσ οὐκ ἀριθμητόσ, ἅτε δὴ μὴ κατ’ ἰδίασ μόνον αἰτίασ αὐτοῦ κτείνοντοσ, ἀλλὰ πολλαῖσ μὲν ἔχθραισ, πολλαῖσ δὲ πλεονεξίαισ τῶν ἑκασταχόθι φίλων χαριζομένου τὰ τοιαῦτα καὶ συνεργοῦντοσ.

ὅθεν εὐδοκίμησεν Ἐτεοκλῆσ ὁ Λακεδαιμόνιοσ εἰπὼν ὡσ οὐκ ἂν ἡ Ἑλλὰσ δύο Λυσάνδρουσ ἤνεγκε. τὸ δὲ αὐτὸ τοῦτο καὶ περὶ Ἀλκιβιάδου φησὶ Θεόφραστοσ εἰπεῖν Ἀρχέστρατον. ἀλλ’ ἐκεῖ μὲν ὕβρισ ἦν καὶ τρυφὴ σὺν αὐθαδείᾳ τὸ μάλιστα δυσχεραινόμενον·

τὴν δὲ Λυσάνδρου δύναμιν ἡ τοῦ τρόπου χαλεπότησ φοβερὰν ἐποίει καὶ βαρεῖαν. οἱ δὲ Λακεδαιμόνιοι τοῖσ μὲν ἄλλοισ οὐ πάνυ προσεῖχον ἐγκαλοῦσιν· ἐπεὶ δὲ Φαρνάβαζοσ ἀδικούμενοσ ὑπ’ αὐτοῦ τὴν χώραν ἄγοντοσ καὶ φέροντοσ ἀπέστειλεν εἰσ τὴν Σπάρτην κατηγόρουσ, ἀγανακτήσαντεσ οἱ ἔφοροι τῶν μὲν φίλων αὐτοῦ καὶ συστρατήγων ἕνα Θώρακα λαβόντεσ ἀργύριον ἰδίᾳ κεκτημένον ἀπέκτειναν, ἐκείνῳ δὲ σκυτάλην ἔπεμψαν ἥκειν κελεύοντεσ. ἔστι δὲ ἡ σκυτάλη τοιοῦτον.

ἐπὰν ἐκπέμπωσι ναύαρχον ἢ στρατηγὸν οἱ ἔφοροι, ξύλα δύο στρογγύλα μῆκοσ καὶ πάχοσ ἀκριβῶσ ἀπισώσαντεσ, ὥστε ταῖσ τομαῖσ ἐφαρμόζειν πρὸσ ἄλληλα, τὸ μὲν αὐτοὶ φυλάττουσι, θάτερον δὲ τῷ πεμπομένῳ διδόασι. ταῦτα δὲ τὰ ξύλα σκυτάλασ καλοῦσιν. ὅταν οὖν ἀπόρρητόν τι καὶ μέγα φράσαι βουληθῶσι, βιβλίον ὥσπερ ἱμάντα μακρὸν καὶ στενὸν ποιοῦντεσ περιελίττουσι τὴν παρ’ αὐτοῖσ σκυτάλην, οὐδὲν διάλειμμα ποιοῦντεσ, ἀλλὰ πανταχόθεν κύκλῳ τὴν ἐπιφάνειαν αὐτῆσ τῷ βιβλίῳ καταλαμβάνοντεσ.

τοῦτο δὲ ποιήσαντεσ ἃ βούλονται καταγράφουσιν εἰσ τὸ βιβλίον, ὥσπερ ἐστὶ τῇ σκυτάλῃ περικείμενον· ὅταν δὲ γράψωσιν, ἀφελόντεσ τὸ βιβλίον ἄνευ τοῦ ξύλου πρὸσ τὸν στρατηγὸν ἀποστέλλουσι. δεξάμενοσ δὲ ἐκεῖνοσ ἄλλωσ μὲν οὐδὲν ἀναλέξασθαι δύναται τῶν γραμμάτων συναφὴν οὐκ ἐχόντων, ἀλλὰ διεσπασμένων, τὴν δὲ παρ’ αὑτῷ σκυτάλην λαβὼν τὸ τμῆμα τοῦ βιβλίου περὶ αὐτὴν περιέτεινεν, ὥστε, τῆσ ἕλικοσ εἰσ τάξιν ὁμοίωσ ἀποκαθισταμένησ, ἐπιβάλλοντα τοῖσ πρώτοισ τὰ δεύτερα, κύκλῳ τὴν ὄψιν ἐπάγειν τὸ συνεχὲσ ἀνευρίσκουσαν.

καλεῖται δὲ ὁμωνύμωσ τῷ ξύλῳ σκυτάλη τὸ βιβλίον, ὡσ τῷ μετροῦντι τὸ μετρούμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Λύσανδρος, chapter 19

(플루타르코스, Λύσανδρος, chapter 19)

상위

목록

SEARCH

MENU NAVIGATION