Plutarch, De superstitione, section 4

(플루타르코스, De superstitione, section 4)

ἦν φοβερὸσ ἐν Σάμῳ Πολυκράτησ τύραννοσ, ἦν ἐν Κορίνθῳ Περίανδροσ, ἀλλ’ οὐδεὶσ ἐφοβεῖτο τούτουσ μεταστὰσ εἰσ πόλιν ἐλευθέραν καὶ δημοκρατουμένην. ὁ δὲ τὴν τῶν θεῶν ἀρχὴν ὡσ τυραννίδα φοβούμενοσ σκυθρωπὴν καὶ ἀπαραίτητον ποῖ μεταστῇ ποῖ φύγῃ, ποίαν γῆν ἄθεον εὑρ́ῃ, ποίαν θάλασσαν;

εἰσ τί καταδὺσ τοῦ κόσμου μέροσ καὶ ἀποκρύψασ σεαυτόν, ὦ ταλαίπωρε, πιστεύσεισ ὅτι τὸν θεὸν ἀποπέφευγασ;

ἔστι καὶ δούλοισ νόμοσ ἐλευθερίαν ἀπογνοῦσι πρᾶσιν αἰτεῖσθαι καὶ δεσπότην μεταβάλλειν ἐπιεικέστερον· ἡ δὲ δεισιδαιμονία θεῶν ἀλλαγὴν οὐ δίδωσιν, οὐδ’ ἔστιν εὑρεῖν ὃν οὐ φοβήσεται θεὸν ὁ φοβούμενοσ τοὺσ πατρῴουσ καὶ γενεθλίουσ, ὁ φρίττων τοὺσ σωτῆρασ;

καὶ τοὺσ μειλιχίουσ τρέμων καὶ δεδοικώσ, παρ’ ὧν αἰτούμεθα πλοῦτον εὐπορίαν εἰρήνην ὁμόνοιαν ὄρθωσιν λόγων καὶ ἔργων τῶν, ἀρίστων. εἶθ’ οὗτοι τὸ δουλεύειν ἀτύχημα ἡγοῦνται καὶ λέγουσι δεινή τισ ἀνδρὶ καὶ γυναικὶ συμφορὰ δούλουσ γενέσθαι δεσπότασ τε δυσχερεῖσ λαβεῖν πόσῳ δὲ δεινότερον οἰέσθε πάσχειν αὐτοὺσ ἀνεκφεύ κτουσ ἀναποδράστουσ ἀνυποστάτουσ λαμβάνοντασ;

ἔστι δούλῳ φεύξιμοσ βωμόσ, ἔστι καὶ λῃσταῖσ ἀβέβηλα πολλὰ τῶν ἱερῶν, καὶ πολεμίουσ οἱ φεύγοντεσ ἂν ἀγάλματοσ λάβωνται ἢ ναοῦ, θαρροῦσιν·

ὁ δὲ δεισιδαίμων ταῦτα μάλιστα φρίττει καὶ φοβεῖται καὶ δέδοικεν, ἐν οἷσ οἱ φοβούμενοι τὰ δεινότατα τὰσ ἐλπίδασ ἔχουσι.

μὴ ἀπόσπα τὸν δεισιδαίμονα τῶν ἱερῶν· ἐνταῦθα κολάζεται καὶ τιμωρεῖται.

τί δεῖ μακρὰ λέγειν; "πέρασ ἐστὶ τοῦ βίου πᾶσιν ἀνθρώποισ ὁ θάνατοσ·

τῆσ δὲ δεισιδαιμονίασ οὐδ’ οὗτοσ, ἀλλ’ ὑπερβάλλει τοὺσ ὁρ́ουσ ἐπέκεινα τοῦ ζῆν, μακρότερον τοῦ βίου ποιοῦσα τὸν φόβον καὶ συνάπτουσα τῷ θανάτῳ κακῶν ἐπίνοιαν ἀθανάτων, καὶ ὅτε παύεται πραγμάτων, ἄρχεσθαι δοκοῦσα μὴ παυομένων. Αἵδου τινὲσ ἀνοίγονται πύλαι βαθεῖαι, καὶ ποταμοὶ πυρὸσ ὁμοῦ καὶ Στυγὸσ ἀπορρῶγεσ ἀνακεράννυνται , καὶ σκότοσ ἐμπίπλαται πολυφαντάστων εἰδώλων τινῶν χαλεπὰσ μὲν ὄψεισ οἰκτρὰσ δὲ φωνὰσ ἐπιφερόντων, δικασταὶ δὲ καὶ κολασταὶ καὶ χάσματα καὶ μυχοὶ μυρίων κακῶν γέμοντεσ.

οὕτωσ ἡ κακοδαίμων δεισιδαιμονία τῇ περιττῇ πρὸσ ἅπαν τὸ δοκοῦν δεινὸν εὐλαβείᾳ λανθάνει ἑαυτὴν ὑποβάλλουσα παντοίοισ δεινοῖσ.

일치하는 문장이 없습니다.

SEARCH

MENU NAVIGATION