헬라어 문장 검색 - Πλυταρ́Δεσυπερ́04́

(플루타르코스, De superstitione, section 4)

ἦν φοβερὸσ ἐν Σάμῳ Πολυκράτησ τύραννοσ, ἦν ἐν Κορίνθῳ Περίανδροσ, ἀλλ’ οὐδεὶσ ἐφοβεῖτο τούτουσ μεταστὰσ εἰσ πόλιν ἐλευθέραν καὶ δημοκρατουμένην. ὁ δὲ τὴν τῶν θεῶν ἀρχὴν ὡσ τυραννίδα φοβούμενοσ σκυθρωπὴν καὶ ἀπαραίτητον ποῖ μεταστῇ ποῖ φύγῃ, ποίαν γῆν ἄθεον εὑρ́ῃ, ποίαν θάλασσαν;

εἰσ τί καταδὺσ τοῦ κόσμου μέροσ καὶ ἀποκρύψασ σεαυτόν, ὦ ταλαίπωρε, πιστεύσεισ ὅτι τὸν θεὸν ἀποπέφευγασ;

ἔστι καὶ δούλοισ νόμοσ ἐλευθερίαν ἀπογνοῦσι πρᾶσιν αἰτεῖσθαι καὶ δεσπότην μεταβάλλειν ἐπιεικέστερον· ἡ δὲ δεισιδαιμονία θεῶν ἀλλαγὴν οὐ δίδωσιν, οὐδ’ ἔστιν εὑρεῖν ὃν οὐ φοβήσεται θεὸν ὁ φοβούμενοσ τοὺσ πατρῴουσ καὶ γενεθλίουσ, ὁ φρίττων τοὺσ σωτῆρασ;

καὶ τοὺσ μειλιχίουσ τρέμων καὶ δεδοικώσ, παρ’ ὧν αἰτούμεθα πλοῦτον εὐπορίαν εἰρήνην ὁμόνοιαν ὄρθωσιν λόγων καὶ ἔργων τῶν, ἀρίστων. εἶθ’ οὗτοι τὸ δουλεύειν ἀτύχημα ἡγοῦνται καὶ λέγουσι δεινή τισ ἀνδρὶ καὶ γυναικὶ συμφορὰ δούλουσ γενέσθαι δεσπότασ τε δυσχερεῖσ λαβεῖν πόσῳ δὲ δεινότερον οἰέσθε πάσχειν αὐτοὺσ ἀνεκφεύ κτουσ ἀναποδράστουσ ἀνυποστάτουσ λαμβάνοντασ;

ἔστι δούλῳ φεύξιμοσ βωμόσ, ἔστι καὶ λῃσταῖσ ἀβέβηλα πολλὰ τῶν ἱερῶν, καὶ πολεμίουσ οἱ φεύγοντεσ ἂν ἀγάλματοσ λάβωνται ἢ ναοῦ, θαρροῦσιν·

ὁ δὲ δεισιδαίμων ταῦτα μάλιστα φρίττει καὶ φοβεῖται καὶ δέδοικεν, ἐν οἷσ οἱ φοβούμενοι τὰ δεινότατα τὰσ ἐλπίδασ ἔχουσι.

μὴ ἀπόσπα τὸν δεισιδαίμονα τῶν ἱερῶν· ἐνταῦθα κολάζεται καὶ τιμωρεῖται.

τί δεῖ μακρὰ λέγειν; "πέρασ ἐστὶ τοῦ βίου πᾶσιν ἀνθρώποισ ὁ θάνατοσ·

τῆσ δὲ δεισιδαιμονίασ οὐδ’ οὗτοσ, ἀλλ’ ὑπερβάλλει τοὺσ ὁρ́ουσ ἐπέκεινα τοῦ ζῆν, μακρότερον τοῦ βίου ποιοῦσα τὸν φόβον καὶ συνάπτουσα τῷ θανάτῳ κακῶν ἐπίνοιαν ἀθανάτων, καὶ ὅτε παύεται πραγμάτων, ἄρχεσθαι δοκοῦσα μὴ παυομένων. Αἵδου τινὲσ ἀνοίγονται πύλαι βαθεῖαι, καὶ ποταμοὶ πυρὸσ ὁμοῦ καὶ Στυγὸσ ἀπορρῶγεσ ἀνακεράννυνται , καὶ σκότοσ ἐμπίπλαται πολυφαντάστων εἰδώλων τινῶν χαλεπὰσ μὲν ὄψεισ οἰκτρὰσ δὲ φωνὰσ ἐπιφερόντων, δικασταὶ δὲ καὶ κολασταὶ καὶ χάσματα καὶ μυχοὶ μυρίων κακῶν γέμοντεσ.

οὕτωσ ἡ κακοδαίμων δεισιδαιμονία τῇ περιττῇ πρὸσ ἅπαν τὸ δοκοῦν δεινὸν εὐλαβείᾳ λανθάνει ἑαυτὴν ὑποβάλλουσα παντοίοισ δεινοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De superstitione, section 4

(플루타르코스, De superstitione, section 4)

상위

목록

SEARCH

MENU NAVIGATION