Plutarch, De sera numinis vindicta, section 19

(플루타르코스, De sera numinis vindicta, section 19)

"ὁ γὰρ Βίων τὸν θεὸν κολάζοντα τοὺσ παῖδασ τῶν πονηρῶν γελοιότερον εἶναί φησιν ἰατροῦ, διὰ νόσον πάππου καὶ πατρὸσ ἔκγονον ἢ παῖδα φαρμακεύοντοσ. "ἔστι δὲ πῆ μὲν ἀνόμοια τὰ πράγματα πῆ δ’ ἐοικότα καὶ ὅμοια. "νόσου μὲν γὰρ ἄλλοσ ἄλλον οὐ παύει θεραπευόμενοσ, οὐδὲ βέλτιόν τισ ἔσχε τῶν ὀφθαλμιώντων ἢ πυρεττόντων ἰδὼν ἄλλον ὑπαλειφόμενον ἢ καταπλαττόμενον αἱ δὲ τιμωρίαι τῶν πονηρῶν διὰ τοῦτο δείκνυνται πᾶσιν, ὅτι δίκησ κατὰ λόγον περαινομένησ ἔργον ἐστὶν ἑτέρουσ δι’ ἑτέρων κολαζομένων ἐπισχεῖν. δὲ προσέοικε τῷ ζητουμένῳ τὸ παραβαλλόμενον ὑπὸ τοῦ Βίωνοσ ἔλαθεν αὐτόν· "ἤδη γὰρ ἀνδρὸσ εἰσ νόσημα μοχθηρὸν οὐ μὴν ἀνίατον ἐμπεσόντοσ, εἶτ’ ἀκρασίᾳ καὶ μαλακίᾳ προεμένου τῷ πάθει τὸ σῶμα καὶ διαφθαρέντοσ υἱὸν οὐ δοκοῦντα νοσεῖν, ἀλλὰ μόνον ἐπιτηδείωσ ἔχοντα πρὸσ τὴν αὐτὴν νόσον ἰατρὸσ ἢ οἰκεῖοσ ἢ ἀλείπτησ καταμαθὼν ἢ δεσπότησ χρηστόσ, ἐμβαλὼν εἰσ δίαιταν αὐστηρὰν καὶ ἀφελὼν ὄψα καὶ πέμματα καὶ πότουσ καὶ γύναια, φαρμακείαισ δὲ χρησάμενοσ ἐνδελεχέσι καὶ διαπονήσασ τὸ σῶμα γυμνασίοισ, ἐσκέδασε καὶ ἀπέπεμψε, μεγάλου πάθουσ σπέρμα μικρὸν οὐκ ἐάσασ εἰσ μέγεθοσ προελθεῖν. ἦ γὰρ οὐχ οὕτω παρακελευόμεθα, προσέχειν ἀξιοῦντεσ ἑαυτοῖσ καὶ παραφυλάττεσθαι καὶ μὴ παραμελεῖν ὅσοι γεγόνασιν ἐκ πατέρων ἢ μητέρων νοσηματικῶν, ἀλλ’ εὐθὺσ ἐξωθεῖν τὴν ἐγκεκραμένην ἀρχὴν εὐκίνητον οὖσαν καὶ ἀκροσφαλῆ προκαταλαμβάνοντασ;

일치하는 문장이 없습니다.

SEARCH

MENU NAVIGATION