헬라어 문장 검색 - Πλυταρ́Δεσεραν́19́

(플루타르코스, De sera numinis vindicta, section 19)

"ὁ γὰρ Βίων τὸν θεὸν κολάζοντα τοὺσ παῖδασ τῶν πονηρῶν γελοιότερον εἶναί φησιν ἰατροῦ, διὰ νόσον πάππου καὶ πατρὸσ ἔκγονον ἢ παῖδα φαρμακεύοντοσ. "ἔστι δὲ πῆ μὲν ἀνόμοια τὰ πράγματα πῆ δ’ ἐοικότα καὶ ὅμοια. "νόσου μὲν γὰρ ἄλλοσ ἄλλον οὐ παύει θεραπευόμενοσ, οὐδὲ βέλτιόν τισ ἔσχε τῶν ὀφθαλμιώντων ἢ πυρεττόντων ἰδὼν ἄλλον ὑπαλειφόμενον ἢ καταπλαττόμενον αἱ δὲ τιμωρίαι τῶν πονηρῶν διὰ τοῦτο δείκνυνται πᾶσιν, ὅτι δίκησ κατὰ λόγον περαινομένησ ἔργον ἐστὶν ἑτέρουσ δι’ ἑτέρων κολαζομένων ἐπισχεῖν. δὲ προσέοικε τῷ ζητουμένῳ τὸ παραβαλλόμενον ὑπὸ τοῦ Βίωνοσ ἔλαθεν αὐτόν· "ἤδη γὰρ ἀνδρὸσ εἰσ νόσημα μοχθηρὸν οὐ μὴν ἀνίατον ἐμπεσόντοσ, εἶτ’ ἀκρασίᾳ καὶ μαλακίᾳ προεμένου τῷ πάθει τὸ σῶμα καὶ διαφθαρέντοσ υἱὸν οὐ δοκοῦντα νοσεῖν, ἀλλὰ μόνον ἐπιτηδείωσ ἔχοντα πρὸσ τὴν αὐτὴν νόσον ἰατρὸσ ἢ οἰκεῖοσ ἢ ἀλείπτησ καταμαθὼν ἢ δεσπότησ χρηστόσ, ἐμβαλὼν εἰσ δίαιταν αὐστηρὰν καὶ ἀφελὼν ὄψα καὶ πέμματα καὶ πότουσ καὶ γύναια, φαρμακείαισ δὲ χρησάμενοσ ἐνδελεχέσι καὶ διαπονήσασ τὸ σῶμα γυμνασίοισ, ἐσκέδασε καὶ ἀπέπεμψε, μεγάλου πάθουσ σπέρμα μικρὸν οὐκ ἐάσασ εἰσ μέγεθοσ προελθεῖν. ἦ γὰρ οὐχ οὕτω παρακελευόμεθα, προσέχειν ἀξιοῦντεσ ἑαυτοῖσ καὶ παραφυλάττεσθαι καὶ μὴ παραμελεῖν ὅσοι γεγόνασιν ἐκ πατέρων ἢ μητέρων νοσηματικῶν, ἀλλ’ εὐθὺσ ἐξωθεῖν τὴν ἐγκεκραμένην ἀρχὴν εὐκίνητον οὖσαν καὶ ἀκροσφαλῆ προκαταλαμβάνοντασ; "πάνυ μὲν οὖν" ἔφασαν.

"ἀλλ’ ἀναγκαῖον, οὐδὲ γελοῖον ἀλλ’ ὠφέλιμον πρᾶγμα ποιοῦμεν, ἐπιληπτικῶν παισὶ καὶ μελαγχολικῶν καὶ ποδαγρικῶν γυμνάσια καὶ διαίτασ καὶ φάρμακα προσάγοντεσ οὐ νοσοῦσιν ἀλλ’ ἕνεκα τοῦ μὴ νοσῆσαι·

"τὸ γὰρ ἐκ πονηροῦ σώματοσ γιγνόμενον σῶμα τιμωρίασ μὲν οὐδεμιᾶσ ἰατρείασ δὲ καὶ φυλακῆσ ἄξιόν ἐστιν· "ἣν εἴ τισ, ὅτι τὰσ ἡδονὰσ ἀφαιρεῖ καὶ δηγμὸν ἐπάγει καὶ πόνον, τιμωρίαν ὑπὸ δειλίασ καὶ μαλακίασ ἀποκαλεῖ, χαίρειν ἐατέον. "ἆρ’ οὖν σῶμα μὲν ἔκγονον φαύλου σώματοσ ἄξιόν ἐστι θεραπεύειν καὶ φυλάττειν, κακίασ δὲ ὁμοιότητα συγγενικὴν ἐν νέῳ βλαστάνουσαν ἤθει καὶ ἀναφυομένην ἐᾶν δεῖ καὶ περιμένειν καὶ μέλλειν, ἄχρι ἐν ἐκχυθεῖσα τοῖσ πάθεσιν ἐμφανὴσ γένηται κακόφρονά τ’ ἀμφάνῃ πραπίδων καρπόν ὥσ φησι Πίνδαροσ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De sera numinis vindicta, section 19

(플루타르코스, De sera numinis vindicta, section 19)

상위

목록

SEARCH

MENU NAVIGATION