헬라어 문장 검색 - Πλυταρ́Δεσεραν́16́0́00́

(플루타르코스, De sera numinis vindicta, section 16)

"εἰ δ’ ἐστὶ πόλισ ἓν πρᾶγμα καὶ συνεχέσ, ἔστι δήπου καὶ γένοσ ἐξηρτημένον ἀρχῆσ μιᾶσ καὶ δύναμίν τινα καὶ κοινωνίαν διαπεφυκυῖαν ἀναφερούσησ καὶ τὸ γεννηθὲν οὐχ ὥσ τι δημιούργημα πεποιημένον ἀπήλλακται τοῦ γεννήσαντοσ· "ἐξ αὐτοῦ γὰρ οὐχ ὑπ’ αὐτοῦ γέγονεν· "ὥστ’ ἔχει τι καὶ φέρεται τῶν ἐκείνου μέροσ ἐν ἑαυτῷ καὶ κολαζόμενον προσηκόντωσ καὶ τιμώμενον. "εἰ δὲ μὴ δόξαιμι παίζειν, ἐγὼ φαίην ἂν ἀνδριάντα Κασάνδρου καταχαλκευόμενον ὑπ’ Ἀθηναίων πάσχειν ἀδικώτερα καὶ τὸ Διονυσίου σῶμα μετὰ τὴν τελευτὴν ἐξοριζόμενον ὑπὸ Συρακοσίων ἢ τοὺσ ἐκγόνουσ αὐτῶν δίκην τίνοντασ. "τῷ μὲν γὰρ ἀνδριάντι τῆσ Κασάνδρου φύσεωσ οὐθὲν ἔνεστι, καὶ τὸν νεκρὸν ἡ Διονυσίου ψυχὴ προλέλοιπε· "Νυσαίῳ δὲ καὶ Ἀπολλοκράτει καὶ Ἀντιπάτρῳ καὶ Φιλίππῳ καὶ τοῖσ ἄλλοισ ὁμοίωσ παισὶ τῶν πονηρῶν τὸ κυριώτατον ἐμπέφυκε καὶ πάρεστι μέροσ, οὐχ ἡσυχαῖον οὐδ’ ἀργόν, ἀλλὰ ζῶσιν αὐτῷ καὶ τρέφονται καὶ διοικοῦνται καὶ φρονοῦσι. "καὶ οὐθὲν δεινὸν οὐδ’ ἄτοπον, ἂν ἐκείνων ὄντεσ ἔχωσι τὰ ἐκείνων· "καθόλου δ’ εἰπεῖν, ὥσπερ ἐν ἰατρικῇ τὸ χρήσιμον καὶ δίκαιόν ἐστι, καὶ γελοῖοσ ὁ φάσκων ἄδικον εἶναι τῶν ἰσχίον πονούντων κάειν τὸν ἀντίχειρα, καὶ τοῦ ἥπατοσ ὑπούλου γεγονότοσ ἀμύσσειν τὸ ἐπιγάστριον, καὶ τῶν βοῶν, ἂν εἰσ τὰσ χηλὰσ μαλακιῶσι, προσαλείφειν τὰ ἄκρα τῶν κεράτων· "οὕτωσ ὁ περὶ τὰσ κολάσεισ ἄλλο τι δίκαιον ἢ τὸ θεραπεῦον τὴν κακίαν ἡγούμενοσ, καὶ ἀγανακτῶν ἐάν τισ δι’ ἑτέρων ἐφ’ ἑτέρουσ ἀναφέρῃ τὴν ἰατρείαν, ὥσπερ οἱ τὴν φλέβα διαιροῦντεσ ἵνα τὴν ὀφθαλμίαν κουφίσωσιν, οὐδὲν ἐοίκε περαιτέρω τῆσ αἰσθήσεωσ ἐφορᾶν οὐδὲ μνημονεύειν, ὅτι καὶ διδάσκαλοσ παίδων ἑνὸσ καθικόμενοσ ἑτέρουσ ἐνουθέτησε, καὶ στρατηγὸσ ἐκ δεκάδοσ ἀνελὼν ἕνα, πάντασ ἐνέτρεψε. "καὶ οὕτωσ οὐ μέρει διὰ μέρουσ ἑτέρου μόνον, ἀλλὰ καὶ ψυχῇ διὰ ψυχῆσ γίγνονταί τινεσ διαθέσεισ καὶ κακώσεισ καὶ ἐπανορθώσεισ μᾶλλον ἢ σώματι διὰ σώματοσ· "ἐκεῖ μὲν γάρ, ὡσ ἐοίκε, ταὐτὸ δεῖ πάθοσ ἐγγίγνεσθαι καὶ τὴν αὐτὴν μεταβολὴν ἐνταῦθα δ’ ἡ ψυχὴ ταῖσ φαντασίαισ ἀγομένη κατὰ τὸ θαρρεῖν καὶ δεδιέναι χεῖρον ἢ βέλτιον διαγίγνεσθαι πέφυκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De sera numinis vindicta, section 16

(플루타르코스, De sera numinis vindicta, section 16)

상위

목록

SEARCH

MENU NAVIGATION