헬라어 문장 검색 - Πλυταρ́Δεσεραν́02́0́00́

(플루타르코스, De sera numinis vindicta, section 2)

"τῶν πονηρῶν βραδυτὴσ τοῦ δαιμονίου καὶ μέλλησισ ἐμοὶ δοκεῖ μάλιστα δεινὸν εἶναι· "καὶ νῦν ὑπὸ τῶν λόγων τούτων ὥσπερ πρόσφατοσ γέγονα τῇ δόξῃ καὶ καινόσ, ἔκπαλαι δ’ ἠγανάκτουν ἀκούων Εὐριπίδου λέγοντοσ μέλλει, τὸ θεῖον δ’ ἐστὶ τοιοῦτον φύσει. "καίτοι πρὸσ οὐδὲν ἥκιστα δὲ πρέπει πρὸσ τοὺσ πονηροὺσ ῥᾴθυμον εἶναι τὸν θεόν, οὐ ῥᾳθύμουσ ὂντασ αὐτοὺσ οὐδ’ ἀμβολιεργοὺσ τοῦ κακῶσ ποιεῖν, ἀλλ’ ὀξυτάταισ ὁρμαῖσ ὑπὸ τῶν παθῶν φερομένουσ πρὸσ τὰσ ἀδικίασ. "καὶ μὴν τὸ ἀμύνασθαι παθεῖν ὡσ Θουκυδίδησ φησὶν ὅτι ἐγγυτάτω κείμενον εὐθὺσ ἀντιφράττει τὴν ὁδὸν τοῖσ ἐπὶ πλεῖστον εὐροούσῃ τῇ κακίᾳ χρωμένοισ. "οὐθὲν γὰρ οὕτω χρέοσ ὡσ τὸ τῆσ δίκησ ὑπερήμερον γιγνόμενον ἀσθενῆ μὲν ταῖσ ἐλπίσι ποιεῖ καὶ ταπεινὸν τὸν ἀδικούμενον, αὔξει δὲ θρασύτητι καὶ τόλμῃ τὸν μοχθηρόν· "αἱ δ’ ὑπὸ χεῖρα τοῖσ τολμωμένοισ ἀπαντῶσαι τιμωρίαι καὶ τῶν μελλόντων εἰσὶν ἐπισχέσεισ ἀδικημάτων, καὶ μάλιστα τὸ παρηγοροῦν τοὺσ πεπονθότασ ἔνεστιν αὐταῖσ. ὡσ ἔμοιγε καὶ τὸ τοῦ Βίαντοσ ἐνοχλεῖ πολλάκισ ἀναλαμβάνοντι τὸν λόγον· "ἔφη γάρ, ὡσ ἐοίκε, πρόσ τινα πονηρόν, ὡσ οὐ δέδιε μὴ οὐ δῷ δίκην, ἀλλὰ μὴ οὐκ αὐτὸσ ἐπίδῃ. τί γὰρ Μεσσηνίοισ ὄφελοσ τοῖσ προαναιρεθεῖσι τῆσ Ἀριστοκράτουσ τιμωρίασ, ὃσ προδοὺσ τὴν ἐπὶ Τάφρῳ μάχην καὶ λαθὼν ὑπὲρ εἴκοσιν ἔτη καὶ πάντα ταῦτα βασιλεύσασ Ἀρκάδων, ὕστερον ἔδωκε δίκην φωραθείσ· "οἱ δ’ οὐκέτ’ ἦσαν; "ἢ τίν’ Ὀρχομενίων τοῖσ ἀποβαλοῦσι παῖδασ καὶ φίλουσ καὶ οἰκείουσ ὑπὸ Λυκίσκου προδοθέντασ ἤνεγκε παραμυθίαν ἡ χρόνοισ ὕστερον πολλοῖσ ἁψαμένη νόσοσ καὶ κατανεμηθεῖσα τοῦ σώματοσ ὅσον ἀεὶ βάπτων καὶ βρέχων εἰσ τὸν ποταμὸν ὤμοσε καὶ κατηράσατο σαπῆναι, προδόντοσ αὐτοῦ καὶ ἀδικήσαντοσ; "τὰσ μὲν γὰρ Ἀθήνησι τῶν ἐναγῶν σωμάτων ῥίψεισ καὶ νεκρῶν ἐξορισμοὺσ οὐδὲ παίδων παισὶν ἐπιδεῖν ὑπῆρξε τῶν ἀποσφαγέντων ἐκείνων. "ὅθεν Εὐριπίδησ ἄτοποσ, εἰσ ἀποτροπὴν κακίασ τούτοισ χρώμενοσ, οὔτοι προσελθοῦσ’ ἡ Δίκη σε, μὴ τρέσῃσ, παίσει πρὸσ ἧπαρ οὐδὲ τῶν ἄλλων βροτῶν τὸν ἄδικον, ἀλλὰ σῖγα καὶ βραδεῖ ποδὶ στείχουσα μάρψει τοὺσ κακούσ, ὅταν τύχῃ. οὐ γὰρ ἄλλα δήπου, ταῦτα δ’ αὐτὰ τοὺσ κακοὺσ εἰκόσ ἐστιν ἑαυτοῖσ διακελευομένουσ καὶ παρεγγυῶντασ ἐπιχαίρειν τοῖσ παρανομήμασιν, ὡσ τῆσ ἀδικίασ τὸν μὲν καρπὸν εὐθὺσ ὡραῖον καὶ προῦπτον ἀποδιδούσησ, τὴν δὲ τιμωρίαν ὀψὲ καὶ πολὺ τῆσ ἀπολαύσεωσ καθυστεροῦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De sera numinis vindicta, section 2

(플루타르코스, De sera numinis vindicta, section 2)

상위

목록

SEARCH

MENU NAVIGATION