헬라어 문장 검색 - Πλυταρ́Δεγλορί7́

(플루타르코스, De gloria Atheniensium, section 7)

"βακχεῖ’ ἐτελέσθη. Ἀρήιοσ ὁ κῶμοσ οὗτοσ ἐκ γῆσ ἅμα φάλαγξι καὶ στόλοισ ἐκ θαλάττησ καὶ μεμειγμένοισ σκύλοισ καὶ τροπαίοισ βεβριθώσ. κλῦθ’ Ἀλαλά, Πολέμου θύγατερ, ἐγχέων προοίμιον, ᾇ θύεται ἄνδρεσ τὸν ἱρόθυτον θάνατον, ὡσ ὁ Θηβαῖοσ Ἐπαμεινώνδασ εἶπεν, ὑπὲρ πατρίδοσ καὶ τάφων καὶ ἱερῶν ἐπιδιδόντεσ ἑαυτοὺσ τοῖσ καλλίστοισ καὶ λαμπροτάτοισ ἀγῶσιν. ὧν τὰσ Νίκασ ὁρᾶν μοι δοκῶ προσερχομένασ, οὐ βοῦν ἔπαθλον ἑλκούσασ ἢ τράγον, οὐδ’ ἀνεστεμμένασ κιττῷ καὶ Διονυσιακῆσ τρυγὸσ ὀδωδυίασ; ἀλλ’ ὅλαι μὲν πόλεισ αὐτῶν εἰσι καὶ νῆσοι καὶ ἤπειροι, καὶ ναοὶ χιλιοτάλαντοι καὶ δήμων ἀποικισμοὶ μυρίανδροι, τροπαίοισ δὲ παντοδαποῖσ ἀναστέφονται καὶ λαφύροισ· ὧν ἀγάλματα καὶ σύμβολα παρθενῶνεσ ἑκατόμπεδοι, νότια τείχη, νεώσοικοι, προπύλαια, Χερρόνησοσ, Ἀμφίπολισ.

Μαραθὼν τὴν Μιλτιάδου Νίκην προπέμπει, καὶ Σαλαμὶσ τὴν Θεμιστοκλέουσ, χιλίων σκαφῶν ναυαγίοισ ἐπιβεβηκυῖαν. φέρει δ’ ἡ μὲν Κίμωνοσ τριήρεισ ἑκατὸν Φοινίσσασ ἀπ’ Εὐρυμέδοντοσ, ἡ δὲ Δημοσθένουσ καὶ Κλέωνοσ ἀπὸ Σφακτηρίασ τὴν Βρασίδου ἀσπίδ’ αἰχμάλωτον καὶ δεδεμένουσ Σπαρτιάτασ. τειχίζει δὲ τὴν πόλιν ἡ Κόνωνοσ, ἡ δὲ Θρασυβούλου κατάγει τὸν δῆμον ἀπὸ φυλῆσ ἐλεύθερον, αἱ δὲ Ἀλκιβιάδου περὶ Σικελίαν ὀλισθοῦσαν τὴν πόλιν ἐγείρουσιν· ἐκ δὲ τῶν Νείλεω καὶ Ἀνδρόκλου περὶ Λυδίαν καὶ Καρίαν ἀγώνων Ιὠνίαν ἀνισταμένην ἐπεῖδεν ἡ Ἑλλάσ.

τῶν δ’ ἄλλων ἑκάστησ ἂν πύθῃ τί τῇ πόλει γέγονεν ἐξ αὐτῆσ ἀγαθόν, ἡ μὲν ἐρεῖ Λέσβον, ἡ δὲ Σάμον, ἡ δὲ Κύπρον, ἡ δὲ Πόντον Εὔξεινον, ἡ δὲ πεντακοσίασ τριήρεισ, ἡ δὲ μυρία τάλαντα, προῖκα τῆσ δόξησ καὶ τῶν τροπαίων. ταῦθ’ ἡ πόλισ ἑορτάζει καὶ ὑπὲρ τούτων θύει τοῖσ θεοῖσ, οὐκ ἐπὶ ταῖσ Αἰσχύλου νίκαισ ἢ Σοφοκλέουσ· οὐδ’ ὅτε Καρκίνοσ Αἐρόπῃ εὐτύχει ἢ Ἕκτορι Ἀστυδάμασ, ἀλλ’ ἕκτῃ μὲν ἱσταμένου Βοηδρομιῶνοσ ἐσέτι νῦν τὴν ἐν Μαραθῶνι νίκην ἡ πόλισ ἑορτάζει· ἕκτῃ δ’ ἐπὶ δέκα τοῦ μηνὸσ οἰνοχοεῖται τῆσ Χαβρίου περὶ Νάξον ἐπινίκια ναυμαχίασ· τῇ δὲ δωδεκάτῃ χαριστήρια ἔθυον ἐλευθερίασ·

ἐν ἐκείνῃ γὰρ οἱ ἀπὸ Φυλῆσ κατῆλθον. τρίτῃ δ’ ἱσταμένου τὴν ἐν Πλαταιαῖσ μάχην ἐνίκων. τὴν δὲ ἕκτην ἐπὶ δέκα τοῦ Μουνιχιῶνοσ Ἀρτέμιδι καθιέρωσαν, ἐν ᾗ τοῖσ Ἕλλησι περὶ Σαλαμῖνα νικῶσιν ἐπέλαμψεν ἡ θεὸσ πανσέληνοσ . τὴν δὲ δωδεκάτην τοῦ Σκιρροφοριῶνοσ ἱερωτέραν ἐποίησεν ὁ Μαντινειακὸσ ἀγών, ἀπὸ τῶν ἄλλων συμμάχων ἐκβιασθέντων καὶ τραπέντων, μόνοι τὸ καθ’ ἑαυτοὺσ νικήσαντεσ ἔστησαν τρόπαιον ἀπὸ τῶν νικώντων πολεμίων. ταῦτα τὴν πόλιν ᾖρεν εἰσ δόξαν, ταῦτα εἰσ μέγεθοσ·

ἐπὶ τούτοισ Πίνδαροσ ἔρεισμα τῆσ Ἑλλάδοσ προσεῖπε τὰσ Ἀθήνασ, οὐχ ὅτι ταῖσ Φρυνίχου τραγῳδίαισ καὶ Θέσπιδοσ ὤρθουν τοὺσ Ἕλληνασ, ἀλλ’ ὅτι πρῶτον, ὥσ φησιν αὐτόσ, ἐπ’ Ἀρτεμισίῳ παῖδεσ Ἀθαναίων ἐβάλοντο φαεννὰν κρηπῖδ’ ἐλευθερίασ· ἐπί τε Σαλαμῖνι καὶ Μυκάλῃ καὶ Πλαταιαῖσ ὥσπερ ἀδαμαντίνοισ στηρίξαντεσ τὴν ἐλευθερίαν τῆσ Ἑλλάδοσ παρέδοσαν τοῖσ ἄλλοισ ἀνθρώποισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De gloria Atheniensium, section 7

(플루타르코스, De gloria Atheniensium, section 7)

상위

목록

SEARCH

MENU NAVIGATION