Plutarch, De gloria Atheniensium, section 5

(플루타르코스, De gloria Atheniensium, section 5)

Ἐπικῆσ μὲν οὖν ποιήσεωσ ἡ πόλισ οὐκ ἔσχηκεν ἔνδοξον δημιουργὸν οὐδὲ μελικῆσ. ὁ γὰρ Κινησίασ ἀργαλέοσ ἐοίκε ποιητὴσ γεγονέναι διθυράμβων· καὶ αὐτὸσ μὲν ἄγονοσ καὶ ἀκλεὴσ γέγονε, σκωπτόμενοσ σὲ καὶ χλευαζόμενοσ ὑπὸ τῶν κωμῳδιοποιῶν οὐκ εὐτυχοῦσ δόξησ μετέσθηκε. τῶν δὲ δραματοποιῶν τὴν μὲν κωμῳδιοποιίαν οὕτωσ ἄσεμνον ἡγοῦντο καὶ φορτικόν, ὥστε νόμοσ ἦν μηδένα ποιεῖν κωμῳδίασ Ἀρεοπαγίτην. ἤνθησε δ’ ἡ τραγῳδία καὶ διεβοήθη, θαυμαστὸν ἀκρόαμα καὶ θέαμα τῶν τότ’ ἀνθρώπων γενομένη καὶ παρασχοῦσα τοῖσ μύθοισ καὶ τοῖσ πάθεσιν ἀπάτην, ὡσ Γοργίασ φησίν, ἣν ὃ τ’ ἀπατήσασ δικαιότεροσ τοῦ μὴ ἀπατήσαντοσ, καὶ ὁ ἀπατηθεὶσ σοφώτεροσ τοῦ μὴ ἀπατηθέντοσ. ὁ μὲν γὰρ ἀπατήσασ δικαιότεροσ, ὅτι τοῦθ’ ὑποσχόμενοσ πεποίηκεν· ὁ δ’ ἀπατηθεὶσ σοφώτεροσ· εὐάλωτον γὰρ ὑφ’ ἡδονῆσ λόγων τὸ μὴ ἀναίσθητον. τίν’ οὖν αἱ καλαὶ τραγῳδίαι ταῖσ Ἀθήναισ ὄνησιν ἤνεγκαν ὡσ ἡ Θεμιστοκλέουσ δεινότησ ἐτείχισε τὴν πόλιν, ὡσ ἡ Περικλέουσ ἐπιμέλεια τὴν ἄκραν ἐκόσμησεν, ὡσ Μιλτιάδησ ἠλευθέρωσεν, ὡσ Κίμων προῆγεν εἰσ τὴν ἡγεμονίαν; εἰ οὕτωσ ἡ Εὐριπίδου σοφία καὶ ἡ Σοφοκλέουσ λογιότησ καὶ τὸ Αἰσχύλου στόμα τι τῶν δυσχερῶν ἀπήλλαξεν ἤ τι τῶν λαμπρῶν περιεποίησεν, ἄξιόν γε τὰ δράματα τοῖσ τροπαίοισ ἀντιπαραθεῖναι καὶ τῷ στρατηγίῳ τὸ θέατρον ἀνταναστῆσαι καὶ ταῖσ ἀριστείαισ τὰσ διδασκαλίασ ἀντιπαραβαλεῖν.

상위

Plutarch (플루타르코스)

목록

일치하는 문장이 없습니다.

SEARCH

MENU NAVIGATION