Plutarch, De gloria Atheniensium, section 4

(플루타르코스, De gloria Atheniensium, section 4)

καὶ γὰρ ἡ ποιητικὴ χάριν ἔσχε καὶ τιμὴν τῷ τοῖσ πεπραγμένοισ ἐοικότα λέγειν, ὡσ Ὅμηροσ ἔφη ἴσκε ψεύδεα πολλὰ λέγων ἐτύμοισιν ὁμοῖα. "ἐγγὺσ οὖν, Μένανδρε, τὰ Διονύσια, καὶ σὺ τὴν κωμῳδίαν οὐ πεποίηκασ; "νὴ τοὺσ θεοὺσ ἔγωγε πεποίηκα τὴν κωμῳδίαν· "ᾠκονόμηται γὰρ ἡ διάθεσισ· "δεῖ δ’ αὐτῇ τὰ στιχίδια ἐπᾷσαι," ὅτι καὶ αὐτοὶ τὰ πράγματα τῶν λόγων ἀναγκαιότερα καὶ κυριώτερα νομίζουσιν. ἡ δὲ Κόριννα τὸν Πίνδαρον, ὄντα νέον ἔτι καὶ τῇ λογιότητι σοβαρῶσ χρώμενον, ἐνουθέτησεν ὡσ ἄμουσον ὄντα καὶ μὴ ποιοῦντα μύθουσ, ὃ τῆσ ποιητικῆσ ἔργον εἶναι συμβέβηκε, γλώσσασ δὲ καὶ καταχρήσεισ καὶ μεταφοράσεισ καὶ μέλη καὶ ῥυθμοὺσ δ’ ἡδύσματα τοῖσ πράγμασιν ὑποτιθέντα. σφόδρ’ οὖν ὁ Πίνδαροσ ἐπιστήσασ τοῖσ λεγομένοισ ἐποίησεν ἐκεῖνο τὸ μέλοσ Ἰσμηνὸν ἢ χρυσαλάκατον Μελίαν, ἢ Κάδμον ἢ Σπαρτῶν ἱερὸν γένοσ ἀνδρῶν, ἢ τὸ πάνυ σθένοσ Ἡρακλέουσ ἢ τὰν Διωνύσου πολυγαθέα τιμάν.

δειξαμένου δὲ τῇ Κορίννῃ γελάσασα ἐκείνη τῇ χειρὶ δεῖν ἔφη σπείρειν, ἀλλὰ μὴ ὅλῳ τῷ θυλάκῳ. τῷ γὰρ ὄντι συγκεράσασ καὶ συμφορήσασ πανσπερμίαν τινὰ μύθων ὁ Πίνδαροσ εἰσ τὸ μέλοσ ἐξέχεεν. ἀλλ’ ὅτι μὲν ἡ ποιητικὴ περὶ μυθοποιίαν ἐστί καὶ Πλάτων εἴρηκεν. ὁ δὲ μῦθοσ εἶναι βούλεται λόγοσ ψευδὴσ ἐοικὼσ ἀληθινῷ· διὸ καὶ πολὺ τῶν ἔργων ἀφέστηκεν, εἰ λόγοσ μὲν ἔργου, καὶ λόγου δὲ μῦθοσ εἰκὼν καὶ εἴδωλόν ἐστι. καὶ τοσοῦτον τῶν ἱστορούντων οἱ πλάττοντεσ τὰσ πράξεισ ὑστεροῦσιν, ὅσον ἀπολείπονται τῶν πραττόντων οἱ λέγοντεσ.

상위

Plutarch (플루타르코스)

목록

일치하는 문장이 없습니다.

SEARCH

MENU NAVIGATION