Plutarch, De gloria Atheniensium, section 4

καὶ γὰρ ἡ ποιητικὴ χάριν ἔσχε καὶ τιμὴν τῷ τοῖσ πεπραγμένοισ ἐοικότα λέγειν, ὡσ Ὅμηροσ ἔφη ἴσκε ψεύδεα πολλὰ λέγων ἐτύμοισιν ὁμοῖα. "ἐγγὺσ οὖν, Μένανδρε, τὰ Διονύσια, καὶ σὺ τὴν κωμῳδίαν οὐ πεποίηκασ; "νὴ τοὺσ θεοὺσ ἔγωγε πεποίηκα τὴν κωμῳδίαν· "ᾠκονόμηται γὰρ ἡ διάθεσισ· "δεῖ δ’ αὐτῇ τὰ στιχίδια ἐπᾷσαι," ὅτι καὶ αὐτοὶ τὰ πράγματα τῶν λόγων ἀναγκαιότερα καὶ κυριώτερα νομίζουσιν.