Plutarch, De garrulitate, section 22 1:

οἱο͂ν οἱ στρατιωτικοὶ πολέμων εἰσὶ διηγηματικοί· καὶ τὸν Νέστορα τοιοῦτον ὁ ποιητὴσ εἰσάγει, τὰσ αὑτοῦ πολλάκισ ἀριστείασ καὶ πράξεισ διηγούμενον. ἐπιεικῶσ δὲ καὶ τοῖσ περὶ δίκασ εὐστοχήσασιν ἢ παρ’ ἡγεμόσι καὶ βασιλεῦσιν ἀπροσδοκήτωσ εὐημερήσασιν ὥσπερ νόσημά τι προσπίπτει καὶ παρακολουθεῖ τὸ μεμνῆσθαι καὶ διηγεῖσθαι πολλάκισ, ὃν τρόπον εἰσῆλθον προσήχθησαν ἠγωνίσαντο διελέχθησαν, ἐξήλεγξαν ἀντιδίκουσ τινὰσ ἢ κατηγόρουσ, ἐπῃνέθησαν.