헬라어 문장 검색 - Πλυταρ́Δεγαρρύ13́

(플루타르코스, De garrulitate, section 13)

"περὶ Διονυσίου λέγειν, οὗ ἐγὼ παρ’ ἡμέρασ ὀλίγασ ἐπὶ τοῦ τραχήλου τὸ ξυρὸν ἔχω. ταῦτ’ ἀκούσασ ὁ Διονύσιοσ ἀνεσταύρωσεν αὐτόν. ἐπιεικῶσ δὲ λάλον ἐστὶ τὸ τῶν κουρέων γένοσ· οἱ γὰρ ἀδολεσχότατοι προσρέουσι καὶ προσκαθίζουσιν, ὥστ’ αὐτοὺσ ἀναπίμπλασθαι τῆσ συνηθείασ. "πῶσ σε κείρω, βασιλεῦ; ἔφη. κουρεὺσ δὲ καὶ τὴν ἐν Σικελίᾳ τῶν Ἀθηναίων μεγάλην κακοπραγίαν ἀπήγγειλε πρῶτοσ, ἐν Πειραιεῖ πυθόμενοσ οἰκέτου τινὸσ τῶν ἀποδεδρακότων ἐκεῖθεν. εἶτ’ ἀφεὶσ τὸ ἐργαστήριον εἰσ ἄστυ συνέτεινε δρόμῳ μή τισ κῦδοσ ἄροιτο τὸν λόγον εἰσ τὴν πόλιν ἐμβαλών, ὁ δὲ δεύτεροσ ἔλθοι. γενομένησ δὲ ταραχῆσ, οἱο͂ν εἰκὸσ, εἰσ ἐκκλησίαν ἀθροισθεὶσ ὁ δῆμοσ ἐπὶ τὴν ἀρχὴν ἐβάδιζε τῆσ φήμησ.

ἤγετ’ οὖν ὁ κουρεὺσ καὶ ἀνεκρίνετο, μηδὲ τοὔνομα τοῦ φράσαντοσ εἰδὼσ ἀλλ’ εἰσ ἀνώνυμον καὶ ἄγνωστον ἀναφέρων τὴν ἀρχὴν πρόσωπον. ὀργὴ δὴ καὶ βοὴ τοῦ θεάτρου· "βασάνιζε καὶ στρέβλου τὸν ἀλάστορα· "πέπλασται ταῦτα καὶ συντέθεικε· "τίσ δ’ ἄλλοσ ἤκουσε; "τίσ δ’ ἐπίστευσεν; ἐκομίσθη τροχόσ, κατετάθη ὁ ἄνθρωποσ, ἐν τούτῳ παρῆσαν οἱ τὴν συμφορὰν ἀπαγγέλλοντεσ, ἐξ αὐτοῦ τοῦ ἔργου διαπεφευγότεσ. ἐσκεδάσθησαν οὖν πάντεσ ἐπὶ τὰ οἰκεῖα πένθη, καταλιπόντεσ ἐν τῷ τροχῷ τὸν ἄθλιον ἐνδεδεμένον.

ὀψὲ δὲ λυθεὶσ ἤδη πρὸσ ἑσπέραν ἠρώτα τὸν δημόσιον εἰ καὶ περὶ Νικίου τοῦ στρατηγοῦ, ὃν τρόπον ἀπόλωλεν, ἀκηκόασιν. οὕτωσ ἄμαχόν τι κακὸν καὶ ἀνουθέτητον ἡ συνήθεια ποιεῖ τὴν ἀδολεσχίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De garrulitate, section 13

(플루타르코스, De garrulitate, section 13)

상위

목록

SEARCH

MENU NAVIGATION