Plutarch, De defectu oraculorum, section 51

(플루타르코스, De defectu oraculorum, section 51)

"ὅταν οὖν ἁρμοστῶσ ἔχῃ πρὸσ τὴν τοῦ πνεύματοσ ὥσπερ φαρμάκου κρᾶσιν ἡ φανταστικὴ καὶ μαντικὴ δύναμισ, ἐν τοῖσ προφητεύουσιν ἀνάγκη γίγνεσθαι τὸν ἐνθουσιασμὸν ὅταν δὲ μὴ οὕτωσ, μὴ γίγνεσθαι, ἢ γίγνεσθαι παράφορον καὶ οὐκ ἀκέραιον καὶ ταρακτικόν, ὥσπερ ἴσμεν ἐπὶ τῆσ ἔναγχοσ ἀποθανούσησ Πυθίασ. "θεοπρόπων γὰρ ἀπὸ ξένησ παραγενομένων, λέγεται τὰσ πρώτασ κατασπείσεισ ἀκίνητον ὑπομεῖναι καὶ ἀπαθὲσ τὸ ἱερεῖον· "ὑπερβαλλομένων δὲ φιλοτιμίᾳ τῶν ἱερέων καὶ προσλιπαρούντων, μόλισ ὕπομβρον γενόμενον καὶ κατακλυσθὲν ἐνδοῦναι. "τί οὖν συνέβη περὶ τὴν Πυθίαν; "κατέβη μὲν εἰσ τὸ μαντεῖον ὥσ φασιν ἄκουσα καὶ ἀπρόθυμοσ, εὐθὺσ δὲ περὶ τὰσ πρώτασ ἀποκρίσεισ ἦν καταφανὴσ τῇ τραχύτητι τῆσ φωνῆσ οὐκ ἀναφέρουσα δίκην νεὼσ ἐπειγομένησ, ἀλάλου καὶ κακοῦ πνεύματοσ οὖσα πλήρησ· "τέλοσ δὲ παντάπασιν ἐκταραχθεῖσα καὶ μετὰ κραυγῆσ φοβερᾶσ φερομένη πρὸσ τὴν ἔξοδον ἔρριψεν ἑαυτήν, ὥστε φυγεῖν μὴ μόνον τοὺσ θεοπρόπουσ ἀλλὰ καὶ τὸν προφήτην Νίκανδρον καὶ τοὺσ παρόντασ τῶν ὁσίων. "ἀνείλοντο μέντοι μετὰ μικρὸν αὐτὴν εἰσελθόντεσ ἔμφρονα καὶ διεβίωσεν ὀλίγασ ἡμέρασ. "τούτων ἕνεκα καὶ συνουσίασ ἁγνὸν τὸ σῶμα καὶ τὸν βίον ὅλωσ ἀνεπίμικτον ἀλλοδαπαῖσ ὁμιλίαισ καὶ ἄθικτον φυλάττουσι τῆσ Πυθίασ, καὶ πρὸ τοῦ χρηστηρίου τὰ σημεῖα λαμβάνουσιν, οἰόμενοι τῷ θεῷ κατάδηλον εἶναι, πότε τὴν πρόσφορον ἔχουσα κρᾶσιν καὶ διάθεσιν ἀβλαβῶσ ὑπομενεῖ τὸν ἐνθουσιασμόν, οὔτε γὰρ πάντασ οὔτε τοὺσ αὐτοὺσ ἀεὶ διατίθησιν ὡσαύτωσ ἡ τοῦ πνεύματοσ δύναμισ, ἀλλ’ ὑπέκκαυμα παρέχει καὶ ἀρχὴν ὥσπερ εἴρηται τοῖσ πρὸσ; "τὸ παθεῖν καὶ μεταβαλεῖν οἰκείωσ ἔχουσιν. "ἔστι δὲ θεία μὲν ὄντωσ καὶ δαιμόνιοσ, οὐ μὴν ἀνέκλειπτοσ οὐδ’ ἄφθαρτοσ οὐδ’ ἀγήρωσ καὶ διαρκὴσ εἰσ τὸν ἄπειρον χρόνον ὑφ’ οὗ πάντα κάμνει τὰ μεταξὺ γῆσ καὶ σελήνησ κατὰ τὸν ἡμέτερον λόγον. "εἰσὶ δ’ οἱ καὶ τὰ ἐπάνω φάσκοντεσ οὐχ ὑπομένειν, ἀλλ’ ἀπαυδῶντα πρὸσ τὸ ἀίδιον καὶ ἄπειρον ὀξέσι χρῆσθαι μεταβολαῖσ καὶ παλιγγενεσίαισ.

SEARCH

MENU NAVIGATION