Plutarch, De defectu oraculorum, section 50

(플루타르코스, De defectu oraculorum, section 50)

"οἰόμαι μὲν οὖν μήτε τὴν ἀναθυμίασιν ὡσαύτωσ ἔχειν ἀεὶ διὰ παντόσ, ἀνέσεισ δέ τινασ ἴσχειν καὶ πάλιν σφοδρότητασ· "ᾧ δὲ τεκμηρίῳ χρῶμαι, μάρτυρασ ἔχω καὶ ξένουσ πολλοὺσ καὶ τοὺσ θεραπεύοντασ τὸ ἱερὸν ἅπαντασ. "ὁ γὰρ οἶκοσ, ἐν ᾧ τοὺσ χρωμένουσ τῷ θεῷ καθίζουσιν, οὔτε πολλάκισ οὔτε τεταγμένωσ ἀλλ’ ὡσ ἔτυχε διὰ χρόνων εὐωδίασ ἀναπίμπλαται καὶ πνεύματοσ, οἱάσ ἂν τὰ ἥδιστα καὶ πολυτελέστατα τῶν μύρων ἀποφορὰσ ὥσπερ ἐκ πηγῆσ τοῦ ἀδύτου προσβάλλοντοσ· "ἐξανθεῖν γὰρ εἰκὸσ ὑπὸ θερμότητοσ ἤ τινοσ ἄλλησ ἐγγιγνομένησ δυνάμεωσ. "εἰ δὲ τοῦτο μὴ δοκεῖ πιθανόν, ἀλλά γε τὴν Πυθίαν αὐτὴν ἐν πάθεσι καὶ διαφοραῖσ ἄλλοτ’ ἄλλαισ ἐκεῖνο τὸ μέροσ τῆσ ψυχῆσ; "ἴσχειν, ᾧ πλησιάζει τὸ πνεῦμα, καὶ μὴ μίαν ἀεὶ κρᾶσιν ὥσπερ ἁρμονίαν ἀμετάβολον ἐν παντὶ καιρῷ διαφυλάττειν, ὁμολογήσετε. "πολλαὶ μὲν γὰρ αἰσθομένησ πλείονεσ δ’ ἄδηλοι τό τε σῶμα καταλαμβάνουσι καὶ τὴν ψυχὴν ὑπορρέουσι δυσχέρειαι καὶ κινήσεισ· "ὧν ἀναπιμπλαμένην οὐκ ἄμεινον ἐκεῖ βαδίζειν οὐδὲ παρέχειν ἑαυτὴν τῷ θεῷ μὴ παντάπασι καθαρὰν οὖσαν ὥσπερ ὄργανον ἐξηρτυμένον καὶ εὐηχέσ, ἀλλ’ ἐμπαθῆ καὶ ἀκατάστατον. "οὔτε γὰρ ὁ οἶνοσ ὡσαύτωσ ἀεὶ τὸν μεθυστικὸν οὔθ’ ὁ αὐλὸσ τὸν ἐνθουσιαστικὸν ὁμοίωσ διατίθησιν, ἀλλὰ νῦν μὲν ἧττον οἱ αὐτοὶ νῦν δὲ μᾶλλον ἐκβακχεύονται καὶ παροινοῦσι, τῆσ κράσεωσ ἐν αὐτοῖσ ἑτέρασ γενομένησ. "μάλιστα δὲ τὸ φανταστικὸν ἐοίκε τῆσ ψυχῆσ ὑπὸ τοῦ σώματοσ ἀλλοιουμένου κρατεῖσθαι καὶ συμμεταβάλλειν, ὡσ δῆλόν ἐστιν ἀπὸ τῶν ὀνείρων· "ποτὲ μὲν γὰρ ἐν πολλαῖσ γιγνόμεθα καὶ παντοδαπαῖσ ἐνυπνίων ὂψεσι , ποτὲ δ’ αὖ πάλιν πᾶσα γίγνεται γαλήνη καὶ ἡσυχία τῶν τοιούτων. "καὶ Κλέωνα μὲν ἴσμεν αὐτοὶ τὸν ἐκ Δαυλίασ τοῦτον ἐν πολλοῖσ ἔτεσιν οἷσ βεβίωκε φάσκοντα μηδὲν ἰδεῖν πώποτ’ ἐνύπνιον τῶν δὲ πρεσβυτέρων ταὐτὸ τοῦτο λέγεται περὶ Θρασυμήδουσ τοῦ Ἡραιέωσ. "αἰτία δ’ ἡ κρᾶσισ τοῦ σώματοσ, ὥσπερ αὖ πάλιν ἡ τῶν μελαγχολικῶν πολυόνειροσ καὶ πολυφάνταστοσ, καὶ δοκεῖ τὸ εὐθυόνειρον αὐτοῖσ ὑπάρχειν· "ἐπ’ ἄλλα γὰρ ἄλλοτε τῷ φανταστικῷ τρεπόμενοι, καθάπερ οἱ πολλὰ βάλλοντεσ, ἐπιτυγχάνουσι πολλάκισ.

SEARCH

MENU NAVIGATION