헬라어 문장 검색 - Πλυταρ́Δεδεφεξ́25́

(플루타르코스, De defectu oraculorum, section 25)

καὶ μὴν ὅ γε μάλιστα φοβηθέντεσ ἔνιοι καταναλίσκουσιν τὴν ὕλην εἰσ τὸν κόσμον ἅπασαν, ὡσ μηδὲν ὑπολειπόμενον ἐκτὸσ ἐνστάσεσιν ἢ πληγαῖσ διαταράττοι τὴν τοῦδε σύστασιν, οὐκ ὀρθῶσ ἔδεισαν. πλειόνων γὰρ ὄντων κόσμων ἰδίᾳ δ’ ἑκάστου συνειληχότοσ οὐσίᾳ καὶ ὕλῃ μέτρον ὡρισμένον ἐχούσῃ καὶ πέρασ, οὐδὲν ἄτακτον οὐδ’ ἀκατακόσμητον οἱο͂ν περίττωμα λειφθήσεται προσπίπτον ἔξωθεν. ἐμπεσεῖν ἐξ ἄλλου οὐδ’ εἰσ ἑαυτὸν ἐξ ἄλλον διὰ τὸ μήτε πλῆθοσ ἀόριστον καὶ ἄπειρον τὴν φύσιν ἔχειν μήτε κίνησιν ἄλογον καὶ ἄτακτον. εἰ δὲ καί τισ ἀπορροὴ φέρεται πρὸσ ἑτέρουσ ἀφ’ ἑτέρων, ὁμόφυλον εἶναι καὶ προσηνῆ καὶ πᾶσιν ἠπίωσ ἐπιμιγνυμένην ὥσπερ αἱ τῶν ἀστέρων αὐγαὶ καὶ συγκράσεισ, αὐτούσ τε τέρπεσθαι καθορῶντασ ἀλλήλουσ εὐμενῶσ, θεοῖσ τε πολλοῖσ καὶ ἀγαθοῖσ καθ’ ἕκαστον οὖσι παρέχειν ἐπιμιξίασ καὶ φιλοφροσύνασ.

ἀδύνατον γὰρ οὐδέν ἐστι τούτων οὔτε μυθῶδεσ οὔτε παράλογον εἰ μὴ νὴ Δία τὰ τοῦ Ἀριστοτέλουσ ὑπόψονταί τινεσ ὡσ φυσικὰσ αἰτίασ ἔχοντα.

τῶν γὰρ σωμάτων ἑκάστου τόπον οἰκεῖον ἔχοντοσ, ὥσ φησιν, ἀνάγκη τὴν γῆν πανταχόθεν ἐπὶ τὸ μέσον φέρεσθαι καὶ τὸ ὕδωρ ἐπ’ αὐτῆσ διὰ βάροσ ὑφιστάμενον τοῖσ κουφοτέροισ.

ἂν οὖν πλείονεσ ὦσι κόσμοι, συμβήσεται τὴν γῆν πολλαχοῦ μὲν ἐπάνω τοῦ πυρὸσ καὶ τοῦ ἀέροσ κεῖσθαι πολλαχοῦ δ’ ὑποκάτω·

καὶ τὸν ἀέρα, καὶ τὸ ὕδωρ ὁμοίωσ, πῆ μὲν ἐν ταῖσ κατὰ φύσιν πῆ δ’ ἐν ταῖσ παρὰ φύσιν χώραισ ὑπάρχειν.

ὧν ἀδυνάτων ὄντων, ὡσ οἰέται, μήτε δύο μήτε πλείονασ εἶναι κόσμουσ, ἀλλ’ ἕνα τοῦτον ἐκ τῆσ οὐσίασ ἁπάσησ συγκείμενον, ἱδρυμένον κατὰ φύσιν, ὡσ προσήκει ταῖσ τῶν σωμάτων διαφοραῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De defectu oraculorum, section 25

(플루타르코스, De defectu oraculorum, section 25)

상위

목록

SEARCH

MENU NAVIGATION