Plutarch, De defectu oraculorum, section 22

(플루타르코스, De defectu oraculorum, section 22)

σιωπήσαντοσ δὲ τοῦ Κλεομβρότου, πᾶσι μὲν ὁ λόγοσ ἐφάνη θαυμαστόσ. τοῦ δ’ Ἡρακλέωνοσ πυθομένου πῆ ταῦτα προσήκει Πλάτωνι καὶ πῶσ ἐκεῖνοσ τὸ ἐνδόσιμον τῷ λόγῳ τούτῳ παρέσχεν, ὁ Κλεόμβροτοσ; ἀπειρίαν αὐτόθεν ἀπέγνω τῶν κόσμων, περὶ δὲ πλήθουσ ὡρισμένου διηπόρησε, καὶ μέχρι τῶν πέντε τοῖσ ὑποτιθεμένοισ κατὰ στοιχεῖον ἕνα κόσμον ἐπιχωρήσασ τὸ εἰκὸσ, αὐτὸσ ἑαυτὸν ἐφ’ ἑνὸσ ἐτήρησεν. καὶ δοκεῖ τοῦτο Πλάτωνοσ ἴδιον εἶναι, τῶν ἄλλων σφόδρα φοβηθέντων τὸ πλῆθοσ, ὡσ τοὺσ ἑνὶ τὴν ὕλην μὴ ὁρίσαντασ ἀλλ’, ἐκβάντασ εὐθὺσ ἀορίστου καὶ χαλεπῆσ ἀπειρίασ ὑπολαμβανούσησ.

"περὶ πλήθουσ κόσμων ὡρ́ιζεν Πλάτων ἤ, ὅτε συνεγένου τἀνδρὶ τούτῳ, οὐδὲ, διεπειράθησ;

εἶπεν ὁ Κλεόμβροτοσ "εἰ μηδὲν ἄλλο, τῶν περὶ ταῦτα λιπαρὴσ εἶναι καὶ πρόθυμοσ ἀκροατὴσ, ἐνδιδόντοσ ἑαυτὸν ἵλεων καὶ παρέχοντοσ; "ἔλεγε δὲ μήτ’ ἀπείρουσ μήθ’ ἕνα μήτε πέντε κόσμουσ, ἀλλὰ τρεῖσ καὶ ὀγδοήκοντα καὶ ἑκατὸν εἶναι συντεταγμένουσ κατὰ σχῆμα τριγωνοειδέσ, οὗ πλευρὰν ἑκάστην ἑξήκοντα κόσμουσ ἔχειν·

"τριῶν δὲ τῶν λοιπῶν ἕκαστον ἱδρῦσθαι κατὰ γωνίαν, ἅπτεσθαι δὲ τοὺσ ἐφεξῆσ ἀλλήλων ἀτρέμα περιιόντασ ὥσπερ ἐν χορείᾳ· "τὸ δ’ ἐντὸσ ἐπίπεδον τοῦ τριγώνου κοινὴν ἑστίαν εἶναι πάντων, καλεῖσθαι δὲ πεδίον ἀληθείασ, ἐν ᾧ τοὺσ λόγουσ καὶ τὰ εἴδη καὶ τὰ παραδείγματα τῶν γεγονότων καὶ τῶν γενησομένων ἀκίνητα κεῖσθαι, καὶ περὶ αὐτὰ τοῦ αἰῶνοσ ὄντοσ οἱο͂ν ἀπορροὴν ἐπὶ τοὺσ κόσμουσ φέρεσθαι τὸν χρόνον. "ὄψιν δὲ τούτων καὶ θέαν ψυχαῖσ ἀνθρωπίναισ ἅπαξ ἐν ἔτεσι μυρίοισ ὑπάρχειν, ἄν γ’ βιώσωσι· "καὶ τῶν ἐνταῦθα τελετῶν τὰσ ἀρίστασ ἐκείνησ ὄνειρον εἶναι τῆσ ἐποπτείασ καὶ τελετῆσ· "καὶ τοὺσ λόγουσ ἀναμνήσεωσ ἕνεκα τῶν ἐκεῖ φιλοσοφεῖσθαι καλῶν ἢ μάτην περαίνεσθαι. "περὶ τούτων μυθολογοῦντοσ ἤκουον ἀτεχνῶσ καθάπερ ἐν τελετῇ καὶ μυήσει, μηδεμίαν ἀπόδειξιν τοῦ λόγου μηδὲ πίστιν ἐπιφέροντοσ.

SEARCH

MENU NAVIGATION