헬라어 문장 검색 - Πλυταρ́Δεδεφεξ́17́

(플루타르코스, De defectu oraculorum, section 17)

ἔφη "δαίμονασ οὐκ Ἐμπεδοκλῆσ μόνον, ὦ Ἡρακλέων, ἀπέλιπεν, ἀλλὰ καὶ Πλάτων καὶ Ξενοκράτησ καὶ Χρύσιπποσ· "ἔτι δὲ Δημόκριτοσ, εὐχόμενοσ εὐλόγχων εἰδώλων τυγχάνειν, δῆλοσ ἦν ἕτερα δυστράπελα καὶ μοχθηρὰσ γιγνώσκων ἔχοντα προαιρέσεισ τινὰσ καὶ ὁρμάσ. περὶ δὲ θανάτου τῶν τοιούτων ἀκήκοα λόγον ἀνδρὸσ οὐκ ἄφρονοσ οὐδ’ ἀλαζόνοσ. "Αἰμιλιανοῦ γὰρ τοῦ ῥήτοροσ, οὗ καὶ ὑμῶν ἔνιοι διακηκόασιν, Ἐπιθέρσησ ἦν πατήρ, ἐμὸσ πολίτησ καὶ διδάσκαλοσ γραμματικῶν. οὗτοσ ἔφη ποτὲ πλέων εἰσ Ἰταλίαν ἐπιβῆναι νεὼσ, ἐμπορικὰ χρήματα καὶ συχνοὺσ ἐπιβάτασ ἀγούσησ· "ἑσπέρασ δ’ ἤδη περὶ τὰσ Ἐχινάδασ νήσουσ ἀποσβῆναι τὸ πνεῦμα, καὶ τὴν ναῦν διαφερομένην πλησίον γενέσθαι Παξῶν· "ἐγρηγορέναι δὲ τοὺσ πλείστουσ, πολλοὺσ δὲ καὶ πίνειν ἔτι δεδειπνηκότασ· "ἐξαίφνησ δὲ φωνὴν ἀπὸ τῆσ νήσου τῶν Παξῶν ἀκουσθῆναι, Θαμοῦν τινοσ βοῇ καλοῦντοσ, ὥστε θαυμάζειν. "ὁ δὲ Θαμοῦσ Αἰγύπτιοσ ἦν κυβερνήτησ οὐδὲ τῶν ἐμπλεόντων γνώριμοσ πολλοῖσ; "ἀπ’ ὀνόματοσ. "δὶσ μὲν οὖν κληθέντα σιωπῆσαι, τὸ δὲ τρίτον ὑπακοῦσαι τῷ καλοῦντι· "κἀκεῖνον ἐπιτείνοντα τὴν φωνὴν εἰπεῖν ὁπόταν γένῃ κατὰ τὸ Παλῶδεσ, ἀπάγγειλον ὅτι Πὰν ὁ μέγασ τέθνηκε τοῦτ’ ἀκούσαντασ, ὁ Ἐπιθέρσησ ἔφη, πάντασ ἐκπλαγῆναι καὶ διδόντασ ἑαυτοῖσ λόγον εἴτε ποιῆσαι βέλτιον εἰή τὸ προστεταγμένον εἴτε μὴ πολυπραγμονεῖν ἀλλ’ ἐᾶν, οὕτω γνῶναι τὸν Θαμοῦν, εἰ μὲν εἰή πνεῦμα, παραπλεῖν ἡσυχίαν ἔχοντα, νηνεμίασ δὲ καὶ γαλήνησ περὶ τὸν τόπον γενομένησ, ἀνειπεῖν ὃ ἤκουσεν. "ὡσ οὖν ἐγένετο κατὰ τὸ Παλῶδεσ, οὔτε πνεύματοσ ὄντοσ οὔτε κλύδωνοσ, ἐκ πρύμνησ βλέποντα τὸν Θαμοῦν πρὸσ τὴν γῆν εἰπεῖν, ὥσπερ ἤκουσεν, ὅτι Πὰν ὁ μέγασ τέθνηκεν. "οὐ φθῆναι δὲ παυσάμενον αὐτόν, καὶ γενέσθαι μέγαν οὐχ ἑνὸσ ἀλλὰ πολλῶν στεναγμὸν ἅμα θαυμασμῷ μεμιγμένον. "οἱᾶ δὲ πολλῶν ἀνθρώπων παρόντων, ταχὺ τὸν λόγον ἐν Ῥώμῃ σκεδασθῆναι, καὶ τὸν Θαμοῦν γενέσθαι μετάπεμπτον ὑπὸ Τιβερίου Καίσαροσ. "οὕτω δὲ πιστεῦσαι τῷ λόγῳ τὸν Τιβέριον, ὥστε διαπυνθάνεσθαι καὶ ζητεῖν περὶ τοῦ Πανόσ· "εἰκάζειν δὲ τοὺσ περὶ αὐτὸν φιλολόγουσ συχνοὺσ ὄντασ τὸν ἐξ Ἑρμοῦ καὶ Πηνελόπησ; παρόντων ἐνίουσ μάρτυρασ, Αἰμιλιανοῦ τοῦ γέροντοσ ἀκηκοότασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De defectu oraculorum, section 17

(플루타르코스, De defectu oraculorum, section 17)

상위

목록

SEARCH

MENU NAVIGATION