헬라어 문장 검색 - Πλυταρ́Δεξοηιβ́03́

(플루타르코스, De cohibenda ira, section 3)

ἡ μὲν οὖν συνέχεια τῆσ ὀργῆσ καὶ τὸ προσκρούειν πολλάκισ ἕξιν ἐμποιεῖ πονηρὰν τῇ ψυχῇ, ἣν ὀργιλότητα καλοῦσιν, εἰσ ἀκραχολίαν καὶ πικρίαν καὶ δυσκολίαν τελευτῶσαν, ὅταν ἑλκώδησ καὶ μικρόλυποσ ὁ θυμὸσ γένηται καὶ φιλαίτιοσ ὑπὸ τῶν τυχόντων ὡσ σίδηροσ ἀσθενὴσ καὶ λεπτὸσ ἀναχαρασσόμενοσ· ἡ δὲ παραχρῆμα ταῖσ ὀργαῖσ ἐνισταμένη καὶ πιέζουσα κρίσισ οὐ τὸ παρὸν ἰᾶται μόνον, ἀλλὰ καὶ πρὸσ τὸ λοιπὸν εὔτονον ποιεῖ καὶ δυσπαθῆ τὴν ψυχήν. ἐμοὶ γοῦν συνέβη δὶσ ἢ τρὶσ ἐνστάντι πρὸσ ὀργὴν τὸ τῶν Θηβαίων παθεῖν, οἳ τὸ πρῶτον ὠσάμενοι Λακεδαιμονίουσ ἀηττήτουσ εἶναι δοκοῦντασ, οὐδεμίαν ὕστερον ἡττήθησαν ὑπ’ αὐτῶν μάχην φρόνημα γάρ ἔσχον ὡσ κρατεῖν ἔστι τῷ λογισμῷ. ἑώρων δ’ οὐ μόνον ψυχροῦ κατασκεδαννυμένου λήγουσαν ὀργὴν, ὡσ Ἀριστοτέλησ ἱστόρησεν, ἀλλὰ καὶ φόβου προσαχθέντοσ ἀποσβεννυμένην· καὶ διεχύθη πολλοῖσ ὁ θυμόσ.

ὥστε μοι παρίστατο μὴ παντελῶσ ἀβοήθητον εἶναι τοῖσ γε βουλομένοισ τὸ πάθοσ. οὐδὲ γὰρ ἀρχὰσ ἔχει μεγάλασ ἀεὶ καὶ ἰσχυράσ, ἀλλὰ καὶ σκῶμμα καὶ παιδιὰ καὶ τὸ γελάσαι τινὰ καὶ τὸ διανεῦσαι καὶ πολλὰ τοιαῦτα πολλοὺσ εἰσ ὀργὴν καθίστησιν, ὥσπερ ἡ Ἑλένη τὴν ἀδελφιδῆν προσαγορεύσασα, παρθένε μακρὸν δὴ μῆκοσ Ἠλέκτρα χρόνου, παρώξυνεν εἰπεῖν, ὀψέ γε φρονεῖσ εὖ, τότε λιποῦσ’ αἰσχρῶσ δόμουσ· "οὐ βούλομαι πιὼν Ἀλεξάνδρου Ἀσκληπιοῦ δεῖσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De cohibenda ira, section 3

(플루타르코스, De cohibenda ira, section 3)

상위

목록

SEARCH

MENU NAVIGATION