Plutarch, De Herodoti malignitate, section 41

(플루타르코스, De Herodoti malignitate, section 41)

ἐν δὲ τῇ ἐνάτῃ καὶ τελευταίᾳ τῶν βίβλων, ὅσον ἦν ὑπόλοιπον ἔτι τῆσ πρὸσ Λακεδαιμονίουσ αὐτῷ δυσμενείασ, ἐκχέαι σπεύδων τὸ παρ’ αὑτὸν ἀφείλετο τὴν ἀοίδιμον νίκην καὶ τὸ περιβόητον Πλαταιᾶσι κατόρθωμα τῆσ πόλεωσ· "πρότερον μὲν ὠρρώδουν τοὺσ Ἀθηναίουσ, μὴ πεισθέντεσ ὑπὸ Μαρδονίου τοὺσ Ἕλληνασ ἐγκαταλίπωσιν·

"τοῦ δ’ Ἰσθμοῦ τειχισθέντοσ ἐν ἀσφαλεῖ θέμενοι τὴν Πελοπόννησον ἠμέλουν ἢδη τῶν ἄλλων καὶ περιεώρων, ἑορτάζοντεσ οἴκοι καὶ τοὺσ πρέσβεισ τῶν Ἀθηναίων κατειρωνευόμενοι καὶ διατρίβοντεσ" πῶσ οὖν ἐξῆλθον εἰσ Πλαταιὰσ πεντακισχίλιοι Σπαρτιᾶται, περὶ αὑτὸν ἔχων ἀνὴρ ἕκαστοσ ἑπτὰ εἵλωτασ; ἢ πῶσ κίνδυνον ἀράμενοι τοσοῦτον ἐκράτησαν καὶ κατέβαλον μυριάδασ τοσαύτασ;

ἄκουσον αἰτίασ πιθανῆσ· "ἐν Σπάρτῃ παρεπιδημῶν ἐκ Τεγέασ ἀνὴρ ὄνομα Χείλεωσ, ᾧ φίλοι τινὲσ καὶ ξένοι τῶν ἐφόρων ἦσαν·

τοῦτο Παυσανίαν ἐξήγαγεν εἰσ Πλαταιὰσ μετὰ τῆσ δυνάμεωσ·

εἰ δέ τι κατέσχεν οἰκεῖον ἐν Τεγέᾳ πρᾶγμα τὸν Χείλεων ἐκεῖνον, οὐκ ἂν ἡ Ἑλλὰσ περιεγένετο.

SEARCH

MENU NAVIGATION