헬라어 문장 검색 - Πλυταρ́ΔεΗεροδ́21́

(플루타르코스, De Herodoti malignitate, section 21)

ἐν δὲ τῇ τρίτῃ τῶν βίβλων διηγούμενοσ τὴν Λακεδαιμονίων ἐπὶ Πολυκράτη τὸν τύραννον στρατείαν αὐτοὺσ μὲν οἰέσθαί φησι καὶ λέγειν Σαμίουσ, ὡσ χάριν ἐκτίνοντεσ αὐτοῖσ τῆσ ἐπὶ Μεσσηνίουσ βοηθείασ στρατεύσειαν, τούσ τε φεύγοντασ κατάγοντεσ τῶν πολιτῶν καὶ τῷ τυράννῳ πολεμοῦντεσ· ἀρνεῖσθαι δὲ τὴν αἰτίαν ταύτην Λακεδαιμονίουσ καὶ λέγειν, ὡσ οὐ βοηθοῦντεσ οὐδ’ ἐλευθεροῦντεσ, ἀλλὰ τιμωρούμενοι Σαμίουσ στρατεύσαιντο, κρατῆρά τινα πεμπόμενον Κροίσῳ παρ’ αὐτῶν καὶ θώρακα πάλιν παρ’ Ἀμάσιδοσ κομιζόμενον αὐτοῖσ ἀφελομένουσ.

καίτοι πόλιν ἐν τοῖσ τότε χρόνοισ οὔτε φιλότιμον οὕτωσ οὔτε μισοτύραννον ἴσμεν ὡσ τὴν Λακεδαιμονίων γενομένην·

ἐξέβαλον ἐκ Κορίνθου καὶ Ἀμπρακίασ ἐκ δὲ Νάξου Λύγδαμιν ἐξ Ἀθηνῶν δὲ τοὺσ Πεισιστράτου παῖδασ ἐκ δὲ Σικυῶνοσ Αἰσχίνην ἐκ Θάσου δὲ Σύμμαχον ἐκ δὲ Φωκέων Αὖλιν ἐκ Μιλήτου δ’ Ἀριστογένη, τὴν δ’ ἐν Θετταλοῖσ δυναστείαν ἔπαυσαν, Ἀριστομήδη καὶ Ἄγγελον καταλύσαντεσ διὰ Λεωτυχίδου τοῦ βασιλέωσ;

περὶ ὧν ἐν ἄλλοισ ἀκριβέστερον γέγραπται·

κατὰ δ’ Ἡρόδοτον οὔτε κακίασ οὔτ’ ἀβελτερίασ ὑπερβολὴν λελοίπασιν, εἰ τὴν καλλίστην καὶ δικαιοτάτην τῆσ στρατείασ ἀρνούμενοι πρόφασιν ὡμολόγουν διὰ μνησικακίαν καὶ μικρολογίαν ἐπιτίθεσθαι δυστυχοῦσιν ἀνθρώποισ καὶ κακῶσ πράττουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Herodoti malignitate, section 21

(플루타르코스, De Herodoti malignitate, section 21)

상위

목록

SEARCH

MENU NAVIGATION