헬라어 문장 검색 - Πλυταρ́ΔεΑλεχά1́06́

(플루타르코스, De Alexandri magni fortuna aut virtute, chapter 1, section 6)

καὶ μὴν ἡ πολὺ θαυμαζομένη πολιτεία τοῦ τὴν Στωικῶν αἱρ́εσιν καταβαλομένου Ζήνωνοσ εἰσ ἓν τοῦτο συντείνει κεφάλαιον, ἵνα μὴ κατὰ πόλεισ μηδὲ κατὰ δήμουσ οἰκῶμεν ἰδίοισ ἕκαστοι διωρισμένοι δικαίοισ, ἀλλὰ πάντασ ἀνθρώπουσ ἡγώμεθα δημότασ καὶ πολίτασ, εἷσ δὲ βίοσ ᾖ καὶ κόσμοσ, ὥσπερ ἀγέλησ συννόμου νόμῳ κοινῷ συντρεφομένησ. τοῦτο Ζήνων μὲν ἔγραψεν ὥσπερ ὄναρ ἢ εἴδωλον εὐνομίασ φιλοσόφου καὶ πολιτείασ ἀνατυπωσάμενοσ, Ἀλέξανδροσ δὲ τῷ λόγῳ τὸ ἔργον παρέσχεν.

οὐ γάρ, ὡσ Ἀριστοτέλησ συνεβούλευεν αὐτῷ, τοῖσ μὲν Ἕλλησιν ἡγεμονικῶσ τοῖσ δὲ βαρβάροισ δεσποτικῶσ χρώμενοσ, καὶ τῶν μὲν ὡσ φίλων καὶ οἰκείων ἐπιμελούμενοσ τοῖσ δ’ ὡσ ζῴοισ ἢ φυτοῖσ προσφερόμενοσ, πολέμων πολλῶν καὶ φυγῶν ἐνέπλησε καὶ στάσεων ὑπούλων τὴν ἡγεμονίαν· ·

ἀλλὰ κοινὸσ ἥκειν θεόθεν ἁρμοστὴσ καὶ διαλλακτὴσ τῶν ὅλων νομίζων, οὓσ τῷ λόγῳ μὴ συνῆγε τοῖσ ὅπλοισ βιαζόμενοσ, εἰσ τὸ αὐτὸ συνενεγκὼν τὰ πανταχόθεν, ὥσπερ ἐν κρατῆρι φιλοτησίῳ μείξασ τοὺσ βίουσ καὶ τὰ ἤθη καὶ τοὺσ γάμουσ καὶ τὰσ διαίτασ, πατρίδα μὲν τὴν οἰκουμένην προσέταξεν ἡγεῖσθαι πάντασ, ἀκρόπολιν δὲ καὶ φρουρὰν στρατόπεδον, συγγενεῖσ δὲ τοὺσ ἀγαθούσ, ἀλλοφύλουσ δὲ τοὺσ πονηρούσ· τὸ δ’ Ἑλληνικὸν καὶ βαρβαρικὸν μὴ χλαμύδι μηδὲ πέλτῃ ; μηδ’ ἀκινάκῃ μηδὲ κάνδυι διορίζειν, ἀλλὰ τὸ μὲν Ἑλληνικὸν ἀρετῇ τὸ δὲ βαρβαρικὸν κακίᾳ τεκμαίρεσθαι· κοινὰσ δ’ ἐσθῆτασ ἡγεῖσθαι καὶ τραπέζασ καὶ γάμουσ καὶ διαίτασ, δι’ αἵματοσ καὶ τέκνων ἀνακεραννυμένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Alexandri magni fortuna aut virtute, chapter 1, section 6

(플루타르코스, De Alexandri magni fortuna aut virtute, chapter 1, section 6)

상위

목록

SEARCH

MENU NAVIGATION