Plutarch, De Alexandri magni fortuna aut virtute, chapter 1, section 6 1:

τοῦτο Ζήνων μὲν ἔγραψεν ὥσπερ ὄναρ ἢ εἴδωλον εὐνομίασ φιλοσόφου καὶ πολιτείασ ἀνατυπωσάμενοσ, Ἀλέξανδροσ δὲ τῷ λόγῳ τὸ ἔργον παρέσχεν. οὐ γάρ, ὡσ Ἀριστοτέλησ συνεβούλευεν αὐτῷ, τοῖσ μὲν Ἕλλησιν ἡγεμονικῶσ τοῖσ δὲ βαρβάροισ δεσποτικῶσ χρώμενοσ, καὶ τῶν μὲν ὡσ φίλων καὶ οἰκείων ἐπιμελούμενοσ τοῖσ δ’ ὡσ ζῴοισ ἢ φυτοῖσ προσφερόμενοσ, πολέμων πολλῶν καὶ φυγῶν ἐνέπλησε καὶ στάσεων ὑπούλων τὴν ἡγεμονίαν·