헬라어 문장 검색 - Πλυταρ́ΔεΑλεχά1́04́

(플루타르코스, De Alexandri magni fortuna aut virtute, chapter 1, section 4)

ἄβουλοσ οὖν καὶ προπετὴσ Ἀλέξανδροσ ἐξ εὐτελῶν οὕτωσ ἐπὶ τηλικαύτην δύναμιν ὁρμώμενοσ; οὐ μὲν οὖν. τίσ γὰρ ἀπὸ μειζόνων ἢ καλλιόνων ἀφορμῶν ἀνήγετο, μεγαλοψυχίασ, συνέσεωσ, σωφροσύνησ, ἀνδραγαθίασ, αἷσ αὐτὸν ἐφωδίαζε φιλοσοφία πρὸσ τὴν στρατείαν; ναί, πλείονασ παρ’ Ἀριστοτέλουσ τοῦ καθηγητοῦ ἢ παρὰ Φιλίππου τοῦ πατρὸσ ἀφορμὰσ ἔχων διέβαινεν ἐπὶ Πέρσασ. ἀλλὰ τοῖσ μὲν γράφουσιν, ὡσ Ἀλέξανδροσ ἔφη ποτὲ τὴν Ἰλιάδα καὶ τὴν Ὀδύσσειαν ἀκολουθεῖν αὐτῷ τῆσ στρατείασ ἐφόδιον, πιστεύομεν, Ὅμηρον σεμνύνοντεσ·

ἂν δέ τισ φῇ τὴν Ἰλιάδα καὶ τὴν Ὀδύσσειαν παραμύθιον πόνου καὶ διατριβὴν ἕπεσθαι σχολῆσ γλυκείασ, ἐφόδιον δ’ ἀληθῶσ γεγονέναι τὸν ἐκ φιλοσοφίασ λόγον καὶ τοὺσ περὶ ἀφοβίασ καὶ ἀνδρείασ ἔτι δὲ σωφροσύνησ καὶ μεγαλοψυχίασ ὑπομνηματισμούσ, καταφρονοῦμεν; ὄτι δηλαδὴ περὶ συλλογισμῶν οὐδὲν οὐδὲ περὶ ἀξιωμάτων ἔγραψεν, οὐδ’ ἐν Λυκείῳ περίπατον συνέσχεν οὐδ’ ἐν Ἀκαδημείᾳ θέσεισ εἶπεν·

τούτοισ γὰρ ὁρίζουσι φιλοσοφίαν οἱ λόγον αὐτὴν οὐκ ἔργον νομίζοντεσ. καίτοι γ’ οὐδὲ Πυθαγόρασ ἔγραψεν οὐδὲν οὐδὲ Σωκράτησ οὐδ’ Ἀρκεσίλαοσ οὐδὲ Καρνεάδησ, οἱ δοκιμώτατοι τῶν φιλοσόφων καὶ οὐκ ἠσχολοῦντο περὶ πολέμουσ ἐκεῖνοι τηλικούτουσ, οὐδὲ βασιλεῖσ βαρβάρουσ ἡμεροῦντεσ οὐδὲ πόλεισ Ἑλληνίδασ ἐπικτίζοντεσ ἀγρίοισ ἔθνεσιν οὐδ’ ἄθεσμα καὶ ἀνήκοα φύλα νόμουσ διδάσκοντεσ καὶ εἰρήνην ἐπῄεσαν, ἀλλὰ καὶ σχολάζοντεσ τὸ γράφειν παρίεσαν τοῖσ σοφισταῖσ. πόθεν οὖν ἐπιστεύθησαν ἐκεῖνοι φιλοσοφεῖν; ἀφ’ ὧν εἶπον ἢ ἀφ’ ὧν ἐβίωσαν ἢ ἀφ’ ὧν ἐδίδαξαν.

ἀπὸ τούτων κρινέσθω καὶ Ἀλέξανδροσ· ὀφθήσεται γὰρ οἷσ εἶπεν οἷσ ἔπραξεν οἷσ ἐπαίδευσε φιλόσοφοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Alexandri magni fortuna aut virtute, chapter 1, section 4

(플루타르코스, De Alexandri magni fortuna aut virtute, chapter 1, section 4)

상위

목록

SEARCH

MENU NAVIGATION