Plutarch, Comparison of Demosthenes with Cicero, chapter 4 2:

τὴν μέντοι φυγὴν ἀργῶσ ὁ Κικέρων διήνεγκεν ἐν Μακεδονίᾳ καθήμενοσ, τῷ δὲ Δημοσθένει καὶ ἡ φυγὴ μέγα μέροσ τῆσ πολιτείασ γέγονε. συναγωνιζόμενοσ γάρ, ὥσπερ εἴρηται, τοῖσ Ἕλλησι καὶ τοὺσ Μακεδόνων πρέσβεισ ἐξελαύνων ἐπήρχετο τὰσ πόλεισ, πολὺ βελτίων Θεμιστοκλέουσ καὶ Ἀλκιβιάδου παρὰ τὰσ αὐτὰσ τύχασ φανεὶσ πολίτησ· καὶ μέντοι κατελθὼν αὖθισ ἑαυτὸν ἐπέδωκεν εἰσ τὴν αὐτὴν ταύτην πολιτείαν, καὶ διετέλει πολεμῶν πρὸσ Ἀντίπατρον καὶ Μακεδόνασ.