헬라어 문장 검색 - Πλυταρ́Ξομπαρι

(플루타르코스, Comparison of Demosthenes with Cicero, chapter 4)

καὶ μὴν ἥ γε φυγὴ τῷ μὲν αἰσχρὰ κλοπῆσ ἁλόντι συνέπεσε, τῷ δὲ κάλλιστον ἔργον ἀνθρώπουσ ἀλιτηρίουσ ἐκκόψαντι τῆσ πατρίδοσ, διὸ τοῦ μὲν οὐδεὶσ λόγοσ ἐκπίπτοντοσ, ἐφ’ ᾧ δ’ ἡ σύγκλητοσ ἐσθῆτά τε διήλλαξε καὶ πένθοσ ἔσχε καὶ γνώμην ὑπὲρ οὐδενὸσ εἰπεῖν ἐπείσθη πρότερον ἢ Κικέρωνι κάθοδον ψηφίσασθαι. τὴν μέντοι φυγὴν ἀργῶσ ὁ Κικέρων διήνεγκεν ἐν Μακεδονίᾳ καθήμενοσ, τῷ δὲ Δημοσθένει καὶ ἡ φυγὴ μέγα μέροσ τῆσ πολιτείασ γέγονε.

συναγωνιζόμενοσ γάρ, ὥσπερ εἴρηται, τοῖσ Ἕλλησι καὶ τοὺσ Μακεδόνων πρέσβεισ ἐξελαύνων ἐπήρχετο τὰσ πόλεισ, πολὺ βελτίων Θεμιστοκλέουσ καὶ Ἀλκιβιάδου παρὰ τὰσ αὐτὰσ τύχασ φανεὶσ πολίτησ· καὶ μέντοι κατελθὼν αὖθισ ἑαυτὸν ἐπέδωκεν εἰσ τὴν αὐτὴν ταύτην πολιτείαν, καὶ διετέλει πολεμῶν πρὸσ Ἀντίπατρον καὶ Μακεδόνασ. Κικέρωνα δ’ ὠνείδισεν ἐν τῇ βουλῇ Λαίλιοσ αἰτουμένου Καίσαροσ ὑπατείαν μετιέναι παρὰ νόμον, οὔπω γενειῶντοσ, σιωπῇ καθήμενον.

ἔγραφε δὲ καὶ Βροῦτοσ ἐγκαλῶν ὡν μείζονα καὶ βαρυτέραν πεπαιδοτριβηκότι τυραννίδα τῆσ ὑφ’ αὑτοῦ καταλυθείσησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Comparison of Demosthenes with Cicero, chapter 4

(플루타르코스, Comparison of Demosthenes with Cicero, chapter 4)

상위

목록

SEARCH

MENU NAVIGATION