Plutarch, Comparison of Demosthenes with Cicero, chapter 3

(플루타르코스, Comparison of Demosthenes with Cicero, chapter 3)

ἡ μὲν οὖν ἐν τῷ δημηγορεῖν καὶ πολιτεύεσθαι δύναμισ ὁμαλῶσ ἀμφοτέροισ ὑπῆρξεν, ὥστε καὶ τοὺσ τῶν ὅπλων καὶ στρατοπέδων κυρίουσ δεῖσθαι, Δημοσθένουσ μὲν Χάρητα καὶ Διοπείθην καὶ Λεωσθένην, Κικέρωνοσ δὲ Πομπήϊον καὶ Καίσαρα τὸν νέον, ὡσ αὐτὸσ ὁ Καῖσαρ ἐν τοῖσ πρὸσ Ἀγρίππαν καὶ Μαικήναν ὑπομνήμασιν εἴρηκεν. ὃ δὲ δοκεῖ μάλιστα καὶ λέγεται τρόπον ἀνδρὸσ ἐπιδεικνύναι καὶ βασανίζειν, ἐξουσία καὶ ἀρχὴ πᾶν πάθοσ κινοῦσα καὶ πᾶσαν ἀποκαλύπτουσα κακίαν, Δημοσθένει μὲν οὐχ ὑπῆρξεν, οὐδ’ ἔδωκε τοιαύτην διάπειραν ἑαυτοῦ, μηδεμίαν ἀρχὴν τῶν ἐπιφανῶν ἄρξασ, ὃσ οὐδὲ τῆσ ὑφ’ αὑτοῦ συντεταγμένησ ἐπὶ Φίλιππον ἐστρατήγησε δυνάμεωσ·

Κικέρων δὲ ταμίασ εἰσ Σικελίαν καὶ ἀνθύπατοσ εἰσ Κιλικίαν καὶ Καππαδοκίαν ἀποσταλείσ, ἐν ᾧ καιρῷ τῆσ φιλοπλουτίασ ἀκμαζούσησ, καὶ τῶν πεμπομένων στρατηγῶν καὶ ἡγεμόνων, ὡσ τοὺ κλέπτειν ἀγεννοῦσ ὄντοσ, ἐπὶ τὸ ἁρπάζειν τρεπομένων, οὐ τὸ λαμβάνειν ἐδόκει δεινόν, ἀλλ’ ὁ μετρίωσ τοῦτο ποιῶν ἠγαπᾶτο, πολλὴν μὲν ἐπίδειξιν ὑπεροψίασ χρημάτων ἐποιήσατο, πολλὴν δὲ φιλανθρωπίασ καὶ χρηστότητοσ.

ἐν αὐτῇ δὲ τῇ Ῥώμῃ λόγῳ μὲν ἀποδειχθεὶσ ὕπατοσ, ἐξουσίαν δὲ λαβὼν αὐτοκράτοροσ καὶ δικτάτοροσ ἐπὶ τοὺσ περὶ Κατιλίναν, ἐμαρτύρησεν ἅμα τῷ Πλάτωνι μαντευομένῳ παῦλαν ἕξειν κακῶν τὰσ πόλεισ, ὅταν εἰσ ταὐτὸ δύναμίσ τε μεγάλη καὶ φρόνησισ ἔκ τινοσ τύχησ χρηστῆσ ἀπαντήσῃ μετὰ δικαιοσύνησ.

χρηματίσασθαι τοίνυν ἀπὸ τοῦ λόγου Δημοσθένησ μὲν ἐπιψόγωσ λέγεται, λογογραφῶν κρύφα τοῖσ περὶ Φορμίωνα καὶ Ἀπολλόδωρον ἀντιδίκοισ, καὶ διαβληθεὶσ μὲν ἐπὶ τοῖσ βασιλικοῖσ χρήμασιν, ὀφλὼν δὲ τῶν Ἁρπαλείων.

εἰ δὲ ταῦτα τοὺσ γράφοντασ οὐκ ὀλίγοι δ’ εἰσὶν οὗτοι ψεύδεσθαι φαίημεν, ἀλλ’ ὅτι γε πρὸσ δωρεὰσ βασιλέων σὺν χάριτι καὶ τιμῇ διδομένασ ἀντιβλέψαι Δημοσθένησ οὐκ ἂν ἐτόλμησεν, οὐδ’ ἦν τοῦτο ἔργον ἀνθρώπου δανείζοντοσ ἐπὶ ναυτικοῖσ, ἀμήχανον ἀντειπεῖν· περὶ δὲ Κικέρωνοσ, ὅτι καὶ Σικελιωτῶν ἀγορανομοῦντι καὶ βασιλέωσ τοῦ Καππαδοκῶν ἀνθυπατεύοντι καὶ τῶν ἐν Ῥώμῃ φίλων, ὅτ’ ἐξέπιπτε τῆσ πόλεωσ, δωρουμένων πολλὰ καὶ δεομένων λαβεῖν ἀντέσχεν, εἴρηται.

상위

Plutarch (플루타르코스)

목록

일치하는 문장이 없습니다.

SEARCH

MENU NAVIGATION