헬라어 문장 검색 - Πλυταρ́Ξομπαρι

(플루타르코스, Comparison of Aristides with Marcus Cato, chapter 5)

στρατηγίαι δὲ αἱ μὲν Κάτωνοσ οὐδὲν ὡσ μεγάλοισ πράγμασι μέγα προσέθηκαν, ἐν δὲ ταῖσ Ἀριστείδου τὰ κάλλιστα καὶ λαμπρότατα καὶ πρῶτα τῶν Ἑλληνικῶν ἔργων ἐστίν, ὁ Μαραθών, ἡ Σαλαμίσ, αἱ Πλαταιαί. καὶ οὐκ ἄξιον δήπου παραβαλεῖν τῷ Ξέρξῃ τὸν Ἀντίοχον καὶ τὰ περιαιρεθέντα τῶν Ἰβηρικῶν πόλεων τείχη ταῖσ τοσαύταισ μὲν ἐν γῇ, τοσαύταισ δ’ ἐν θαλάσσῃ πεσούσαισ μυριάσιν· ἐν οἷσ Ἀριστείδησ ἔργῳ μὲν οὐδενὸσ ἐλείπετο, δόξησ δὲ καὶ στεφάνων, ὥσπερ ἀμέλει πλούτου καὶ χρημάτων, ὑφήκατο τοῖσ μᾶλλον δεομένοισ, ὅτι καὶ πάντων τούτων διέφερεν·

ἐγὼ δ’ οὐ μέμφομαι μὲν Κάτωνοσ τὸ μεγαλύνειν ἀεί καὶ πρῶτον ἑαυτὸν ἁπάντων τίθεσθαι· καίτοι φησὶν ἔν τινι λόγῳ τὸ ἐπαινεῖν αὑτὸν ὥσπερ τὸ λοιδορεῖν ἄτοπον εἶναι· τελειότεροσ δέ μοι δοκεῖ πρὸσ ἀρετὴν τοῦ πολλάκισ ἑαυτὸν ἐγκωμιάζοντοσ ὁ μηδ’ ἑτέρων τοῦτο ποιούντων δεόμενοσ. τὸ γὰρ ἀφιλότιμον οὐ μικρὸν εἰσ πρᾳότητα πολιτικὴν ἐφόδιον, καὶ τοὐναντίον ἡ φιλοτιμία χαλεπὸν καὶ φθόνου γονιμώτατον, ἧσ ὁ μὲν ἀπήλλακτο παντάπασιν, ὁ δὲ καὶ πάνυ πολλῆσ μετεῖχεν.

Κάτων δ’ ἀντιπράττων Σκηπίωνι μικροῦ μὲν ἀνέτρεψε καὶ διελυμήνατο τὴν ἐπὶ Καρχηδονίουσ αὐτοῦ στρατηγίαν, ἐν ᾗ τὸν ἀήττητον Ἀννίβαν καθεῖλε, τέλοσ δὲ μηχανώμενοσ ἀεί τινασ ὑποψίασ καὶ διαβολάσ αὐτὸν μὲν ἐξήλασε τῆσ πόλεωσ, τὸν δ’ ἀδελφὸν αἰσχίστῃ κλοπῆσ καταδίκῃ περιέβαλεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Aristides with Marcus Cato, chapter 5

(플루타르코스, Comparison of Aristides with Marcus Cato, chapter 5)

상위

목록

SEARCH

MENU NAVIGATION