헬라어 문장 검색 - Πλυταρ́Ξομπαρι

(플루타르코스, Comparison of Aristides with Marcus Cato, chapter 2)

ἔτι δ’ Ἀριστείδησ μὲν ἐν Μαραθῶνι καὶ πάλιν ἐν Πλαταιαῖσ δέκατοσ ἦν στρατηγόσ, Κάτων δὲ δεύτεροσ μὲν ὕπατοσ ᾑρέθη πολλῶν ἀντιμετιόντων, δεύτεροσ δὲ τιμητήσ ἑπτὰ τοὺσ ἐπιφανεστάτουσ καὶ πρώτουσ ἁμιλλωμένουσ ὑπερβαλόμενοσ. καὶ μὴν Ἀριστείδησ μὲν ἐν οὐδενὶ τῶν κατορθωμάτων γέγονε πρῶτοσ, ἀλλὰ Μιλτιάδησ ἔχει τοῦ Μαραθῶνοσ τὸ πρωτεῖον, Θεμιστοκλῆσ δὲ τῆσ Σαλαμῖνοσ, ἐν δὲ Πλαταιαῖσ φησιν Ἡρόδοτοσ ἀνελέσθαι καλλίστην νίκην Παυσανίαν, Ἀριστείδῃ δὲ καὶ τῶν δευτερείων ἀμφισβητοῦσι Σωφάναι καὶ Ἀμεινίαι καὶ Καλλίμαχοι καὶ Κυναίγειροι διαπρεπῶσ ἀριστεύσαντεσ ἐν ἐκείνοισ τοῖσ ἀγῶσι· Κάτων δ’ οὐ μόνον αὐτὸσ ὑπατεύων ἐπρώτευσε καὶ χειρὶ καὶ γνώμῃ κατὰ τὸν Ἰβηρικὸν πόλεμον, ἀλλὰ καὶ χιλιαρχῶν περὶ Θερμοπύλασ ὑπατεύοντοσ ἑτέρου τὴν δόξαν ἔσχε τῆσ νίκησ, μεγάλασ ἐπ’ Ἀντίοχον Ῥωμαίοισ ἀναπετάσασ κλεισιάδασ καὶ πρόσω μόνον ὁρῶντι τῷ βασιλεῖ περιστήσασ κατὰ νώτου τὸν πόλεμον.

ἐκείνη γὰρ ἡ νίκη περιφανῶσ ἔργον οὖσα Κάτωνοσ ἐξήλασε τῆσ Ἑλλάδοσ τὴν Ἀσίαν καὶ παρέσχεν ἐπιβατὴν αὖθισ Σκηπίωνι.

πλείστασ δὲ καὶ φυγὼν δημοσίασ δίκασ καὶ διώξασ πολλὰσ μὲν εἷλε, πάσασ δ’ ἀπέφυγε, πρόβλημα τοῦ βίου καὶ δραστήριον ὄργανον ἔχων τὸν λόγον, ᾧ δικαιότερον ἄν τισ ἢ τύχῃ καὶ δαίμονι τοῦ ἀνδρὸσ τὸ μηδὲν παθεῖν παρ’ ἀξίαν ἀνατιθείη.

μέγα γὰρ καὶ Ἀριστοτέλει τῷ φιλοσόφῳ τοῦτο προσεμαρτύρησεν Ἀντίπατροσ γράφων περὶ αὐτοῦ μετὰ τὴν τελευτήν, ὅτι πρὸσ τοῖσ ἄλλοισ ὁ ἀνὴρ καὶ τὸ πιθανὸν εἶχεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Aristides with Marcus Cato, chapter 2

(플루타르코스, Comparison of Aristides with Marcus Cato, chapter 2)

상위

목록

SEARCH

MENU NAVIGATION