헬라어 문장 검색 - Πλυταρ́Ξομπαρι

(플루타르코스, Comparison of Aristides with Marcus Cato, chapter 1)

γεγραμμένων δὲ καὶ περὶ τούτων τῶν ἀξίων μνήμησ, ὅλοσ ὁ τούτου βίοσ ὅλῳ τῷ θατέρου παρατεθεὶσ οὐκ εὐθεώρητον ἔχει τὴν διαφοράν ἐναφανιζομένην πολλαῖσ καὶ μεγάλαισ ὁμοιότησιν. εἰ δὲ δεῖ κατὰ μέροσ τῇ συγκρίσει διαλαβεῖν ὥσπερ ἔποσ ἢ γραφὴν ἑκάτερον, τὸ μὲν ἐξ οὐχ ὑπαρχούσησ ἀφορμῆσ εἰσ πολιτείαν καὶ δόξαν ἀρετῇ καὶ δυνάμει προελθεῖν ἀμφοτέροισ κοινόν ἐστι. φαίνεται δ’ ὁ μὲν Ἀριστείδησ οὔπω τότε μεγάλων οὐσῶν τῶν Ἀθηνῶν καὶ ταῖσ οὐσίαισ ἔτι συμμέτροισ καὶ ὁμαλοῖσ ἐπιβαλὼν δημαγωγοῖσ καὶ στρατηγοῖσ ἐπιφανὴσ γενέσθαι·

τὸ γὰρ μέγιστον ἦν τίμημα τότε πεντακοσίων μεδίμνων, τὸ δὲ δεύτερον τριακοσίων, ἔσχατον δὲ καὶ τρίτον διακοσίων· ὁ δὲ Κάτων ἐκ πολίχνησ τε μικρᾶσ καὶ διαίτησ ἀγροίκου δοκούσησ φέρων ἀφῆκεν ἑαυτὸν ὥσπερ εἰσ πέλαγοσ ἀχανὲσ τὴν ἐν Ῥώμῃ πολιτείαν, οὐκέτι Κουρίων καὶ Φαβρικίων καὶ Ἀτιλίων ἔργον οὖσαν ἡγεμόνων, οὐδ’ ἀπ’ ἀρότρου καὶ σκαφείου πένητασ καὶ αὐτουργοὺσ ἀναβαίνοντασ ἐπὶ τὸ βῆμα προσιεμένην ἄρχοντασ καὶ δημαγωγούσ, ἀλλὰ πρὸσ γένη μεγάλα καὶ πλούτουσ καὶ νομὰσ καὶ σπουδαρχίασ ἀποβλέπειν εἰθισμένην, καὶ δι’ ὄγκον ἤδη καὶ δύναμιν ἐντρυφῶσαν τοῖσ ἄρχειν ἀξιοῦσιν.

οὐκ ἦν δ’ ὅμοιον ἀντιπάλῳ χρῆσθαι Θεμιστοκλεῖ μήτ’ ἀπὸ γένουσ λαμπρῷ καὶ κεκτημένῳ μέτρια πέντε γὰρ ἢ τριῶν ταλάντων οὐσίαν αὐτῷ γενέσθαι λέγουσιν ὅτε πρῶτον ἥπτετο τῆσ πολιτείασ καὶ πρὸσ Σκηπίωνασ Ἀφρικανοὺσ καὶ Σερουίουσ Γάλβασ καὶ Κοϊντίουσ Φλαμινίνουσ ἁμιλλᾶσθαι περὶ πρωτείων, μηδὲν ὁρμητήριον ἔχοντα πλὴν φωνὴν παρρησιαζομένην ὑπὲρ τῶν δικαίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Aristides with Marcus Cato, chapter 1

(플루타르코스, Comparison of Aristides with Marcus Cato, chapter 1)

상위

목록

SEARCH

MENU NAVIGATION