Plutarch, Comparison of Theseus and Romulus, chapter 6 3:

οὕτω συνέμιξεν ἀλλήλοισ καὶ συνέπηξε τὰ γένη, καὶ παρέσχε πηγὴν τῆσ εἰσ αὖθισ εὐνοίασ καὶ δυνάμεωσ τοῖσ πράγμασιν. αἰδοῦσ δὲ καὶ φιλίασ καὶ βεβαιότητοσ, ἣν εἰργάσατο περὶ τοὺσ γάμουσ, ὁ χρόνοσ ἐστὶ μάρτυσ, ἐν γὰρ ἔτεσι τριάκοντα καὶ διακοσίοισ οὔτε ἀνὴρ ἐτόλμησε γυναικὸσ οὔτε γυνὴ κοινωνίαν ἀνδρὸσ ἐγκαταλιπεῖν, ἀλλ’ ὥσπερ ἐν Ἓλλησιν οἱ σφόδρα περιττοὶ τὸν πρῶτον ἔχουσιν εἰπεῖν πατροκτόνον ἢ μητροφόνον, οὕτω Ῥωμαῖοι πάντεσ ἴσασιν ὅτι Καρβίλιοσ Σπόριοσ ἀπεπέμψατο γυναῖκα πρῶτοσ, ἀπαιδίαν αἰτιασάμενοσ.