Plutarch, Comparison of Theseus and Romulus, chapter 1

(플루타르코스, Comparison of Theseus and Romulus, chapter 1)

ἃ μὲν οὖν ἄξια μνήμησ πυθέσθαι περὶ Ῥωμύλου καὶ Θησέωσ συμβέβηκεν ἡμῖν, ταῦτ’ ἐστί. φαίνεται δὲ πρῶτον ὁ μὲν ἐκ προαιρέσεωσ, οὐδενὸσ ἀναγκάζοντοσ, ἀλλ’ ἐξὸν ἀδεῶσ ἐν Τροιζῆνι βασιλεύειν διαδεξάμενον ἀρχὴν οὐκ ἄδοξον, αὐτὸσ ἀφ’ ἑαυτοῦ μεγάλων ὀρεχθείσ· ἔπειτα τούτου μὲν ἔργον ἐστὶ τὸ μέγιστον ἀνελεῖν ἕνα τὸν Ἄλβησ τύραννον, ἐκείνου δὲ πάρεργα καὶ προάγωνεσ ἦσαν ὁ Σκείρων, ὁ Σίνισ, ὁ Προκρούστησ, ὁ Κορυνήτησ, οὓσ ἀναιρῶν καὶ κολάζων ἀπήλαττε τὴν Ἑλλάδα δεινῶν τυράννων πρὶν ὅστισ ἐστὶ γινώσκειν τοὺσ ὑπ’ αὐτοῦ σῳζομένουσ, καὶ τῷ μὲν παρῆν ἀπραγμόνωσ κομίζεσθαι διὰ θαλάττησ ἀδικουμένῳ μηδὲν ὑπὸ τῶν λῃστῶν, Ῥωμύλῳ δ’ οὐ παρῆν μὴ πράγματα ἔχειν Ἀμουλίου ζῶντοσ, μέγα δὲ τούτου τεκμήριον ὁ μὲν γὰρ οὐδὲν αὐτὸσ ἀδικούμενοσ ὡρ́μησεν ὑπὲρ ἄλλων ἐπὶ τοὺσ πονηρούσ, οἱ δ’ ὅσον αὐτοὶ κακῶσ οὐκ ἔπασχον ὑπὸ τοῦ τυράννου, περιεώρων ἀδικοῦντα πάντασ.

καὶ μὴν εἰ μέγα τὸ τρωθῆναι μαχόμενον Σαβίνοισ καὶ ἀνελεῖν Ἄκρωνα καὶ πολλῶν μάχῃ κρατῆσαι πολεμίων, τούτοισ μὲν ἔστι τοῖσ ἔργοισ κενταυρομαχίαν καὶ τὰ πρὸσ Ἀμαζόνασ παραβαλεῖν·

ὃ δ’ ἐτόλμησε Θησεὺσ περὶ τὸν Κρητικὸν δασμόν, εἴτε τινὶ θηρίῳ βοράν, εἴτε πρόσφαγμα τοῖσ Ἀνδρόγεω τάφοισ, εἴθ’, ὃ κουφότατόν ἐστὶ τῶν λεγομένων, λατρεύειν παρ’ ἀνδράσιν ὑβρισταῖσ καὶ δυσμενέσιν ἀκλεῆ λατρείαν καὶ ἄτιμον ἐπιδοὺσ ἑαυτόν, ἑκουσίωσ μετὰ παρθένων πλεύσασ καὶ παίδων νέων, οὐκ ἂν εἴποι τισ ἡλίκησ ἐστὶ τόλμησ ἢ μεγαλοφροσύνησ ἢ δικαιοσύνησ περὶ τὸ κοινὸν ἢ πόθου δόξησ καὶ ἀρετῆσ, ὥστ’ ἔμοιγε φαίνεται μὴ κακῶσ ὁρίζεσθαι τοὺσ φιλοσόφουσ τὸν ἔρωτα θεῶν ὑπηρεσίαν πρὸσ ἐπιμέλειαν καὶ σωτηρίαν νέων.

ὁ γὰρ Ἀριάδνησ ἔρωσ παντὸσ μᾶλλον ἐοίκεν ἔργον θεοῦ καὶ μηχανὴ γενέσθαι σωτηρίασ ἕνεκα τοῦ ἀνδρόσ, καὶ οὐκ ἄξιον αἰτιᾶσθαι τὴν ἐρασθεῖσαν, ἀλλὰ θαυμάζειν εἰ μὴ πάντεσ οὕτω καὶ πᾶσαι διετέθησαν·

εἰ δ’ ἐκείνη μόνη τοῦτ’ ἔπαθεν, εἰκότωσ ἔγωγε φαίην ἂν αὐτὴν ἀξιέραστον θεῷ γεγονέναι, φιλόκαλον καὶ φιλάγαθον καὶ τῶν ἀρίστων ἐρωτικὴν οὖσαν.

상위

Plutarch (플루타르코스)

목록

일치하는 문장이 없습니다.

SEARCH

MENU NAVIGATION