Plutarch, Comparison of Theseus and Romulus, chapter 3

(플루타르코스, Comparison of Theseus and Romulus, chapter 3)

εἰ δὲ δεῖ καὶ τὰ δυστυχηθέντα μὴ παντάπασι ποιεῖσθαι δαίμονοσ, ἀλλ’ ἠθικὰσ καὶ παθητικὰσ ζητεῖν ἐν αὐτοῖσ διαφοράσ, θυμοῦ μὲν ἀλογίστου καὶ τάχοσ ἐχούσησ ἄβουλον ὀργῆσ μήτε τισ ἐκεῖνον ἐν τοῖσ πρὸσ τὸν ἀδελφὸν ἀπολυέτω μήτε τοῦτον ἐν τοῖσ πρὸσ τὸν υ ἱόν ἡ δὲ κινήσασα τὸν θυμὸν ἀρχὴ μᾶλλον παραιτεῖται τὸν ὑπὸ μείζονοσ αἰτίασ ὥσπερ ὑπὸ πληγῆσ χαλεπωτέρασ ἀνατραπέντα. Ῥωμύλῳ μὲν γὰρ ἐκ βουλῆσ καὶ σκέψεωσ περὶ κοινῶν συμφερόντων διαφορᾶσ γενομένησ οὐκ ἄν ἠξίωσέ τισ ἄφνω τὴν διάνοιαν ἐν τηλικούτῳ πάθει γενέσθαι·

Θησέα δὲ πρὸσ τὸν υἱόν, ἃ πάμπαν ὀλίγοι τῶν ὄντων διαπεφεύγασιν, ἔρωσ καὶ ζηλοτυπία καὶ διαβολαὶ γυναικὸσ ἔσφηλαν. ὃ δὲ μεῖζόν ἐστιν, ὁ μὲν Ῥωμύλου θυμὸσ εἰσ ἔργον ἐξέπεσε καὶ πρᾶξιν οὐκ εὐτυχὲσ ἔχουσαν τέλοσ, ἡ δὲ Θησέωσ ὀργὴ μέχρι λόγου καὶ βλασφημίασ καὶ κατάρασ πρεσβυτικῆσ προῆλθε, τὰ δ’ ἄλλα φαίνεται τῇ τύχῃ χρήσασθαι τὸ μειράκιον. ὥστε ταύτασ μὲν ἄν τισ ἀποδοίη τῷ Θησεῖ τὰσ ψήφουσ·

상위

Plutarch (플루타르코스)

목록

일치하는 문장이 없습니다.

SEARCH

MENU NAVIGATION