헬라어 문장 검색 - Πλυταρ́Ξομπαρι

(플루타르코스, Comparison of Solon and Publicola, chapter 4)

τῶν μέντοι πολεμικῶν Σόλωνι μὲν οὐδὲ τὰ πρὸσ Μεγαρεῖσ Δαΐμαχοσ ὁ Πλαταιεὺσ μεμαρτύρηκεν, ὥσπερ ἡμεῖσ διεληλύθαμεν· Ποπλικόλασ δὲ τοὺσ μεγίστουσ ἀγῶνασ αὐτὸσ καὶ μαχόμενοσ καὶ στρατηγῶν κατώρθωσε, καὶ μὴν ἔτι πρὸσ τὰσ πολιτικὰσ πράξεισ ὁ μὲν ἐν παιδιᾶσ τινι τρόπῳ καὶ προσποίημα μανίασ ἀναλαβὼν, ὑπὲρ Σαλαμῖνοσ ἐρῶν προῆλθεν· ὁ δ’ αὐτόθεν ἀναρρίψασ τὸν περὶ τῶν μεγίστων κίνδυνον ἐπανέστη τε Ταρκυνίοισ καὶ τὴν προδοσίαν ἐφώρασε·

καὶ τοῦ κολασθῆναι καὶ μὴ διαφυγεῖν τοὺσ πονηροὺσ αἰτιώτατοσ γενόμενοσ οὐ τὰ σώματα μόνον τῶν τυράννων ἐξέβαλε τῆσ πόλεωσ, ἀλλὰ καὶ τὰσ ἐλπίδασ ἐξέκοψεν. οὕτω δὲ τοῖσ δεχομένοισ πράγμασιν ἀγῶνα καὶ θυμὸν καὶ ἀντίταξιν ἐρρωμένωσ καὶ ἀτενῶσ ἀπαντήσασ, ἔτι βέλτιον ἐχρήσατο τοῖσ ὁμιλίασ ἀπολέμου καὶ πειθοῦσ ὑπεικούσησ δεομένοισ, Πορσίναν ἄμαχον ἄνδρα καὶ φοβερὸν ἐμμελῶσ προσαγαγόμενοσ καὶ μεταστήσασ εἰσ φιλίαν. καίτοι φήσει τισ ἐνταῦθα τὸν μὲν Σόλωνα προεμένοισ ἀναλαβεῖν Ἀθηναίοισ Σαλαμῖνα, τὸν δὲ Ποπλικόλαν ἧσ ἐκέκτηντο Ῥωμαῖοι χώρασ ἀποστῆναι.

δεῖ δὲ πρὸσ τοὺσ ὑποκειμένουσ καιροὺσ τὰσ πράξεισ θεωρεῖν. ποικίλοσ γὰρ ὢν ὁ πολιτικὸσ ᾧ τρόπῳ τῶν ὄντων ἕκαστον εὔληπτόν ἐστι μεταχειρίσεται, καὶ μέρουσ ἀφέσει πολλάκισ ἔσωσε τὸ πᾶν καὶ μικρῶν ἀποστὰσ μειζόνων ἔτυχεν, ὥσπερ ἐκεῖνοσ ὁ ἀνὴρ τότε τῆσ μὲν ἀλλοτρίασ χώρασ ἀποστὰσ ἔσωσε τὴν ἑαυτοῦ βεβαίωσ ἅπασαν, οἷσ δ’ ἦν μέγα τὴν πόλιν διαφυλάξαι προσεκτήσατο τὸ τῶν πολιορκούντων στρατόπεδον, ἐπιτρέψασ δὲ τῷ πολεμίῳ δικαστῇ γενέσθαι, καὶ περιγενόμενοσ τῇ δίκῃ, προσέλαβεν ὅσα δόντασ ἀγαπητὸν ἦν νικῆσαι· καὶ γὰρ τὸν πόλεμον διέλυσε καὶ τὴν παρασκευὴν τοῦ πολέμου κατέλιπεν αὐτοῖσ διὰ πίστιν ἀρετῆσ καὶ καλοκαγαθίασ, ἣν ὁ ἄρχων ὑπὲρ ἁπάντων ἐνεποίησεν αὐτῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Solon and Publicola, chapter 4

(플루타르코스, Comparison of Solon and Publicola, chapter 4)

상위

목록

SEARCH

MENU NAVIGATION