헬라어 문장 검색 - Πλυταρ́Ξομπαρι

(플루타르코스, Comparison of Solon and Publicola, chapter 3)

ἴδιον δὲ τοῦ Σόλωνοσ ἡ τῶν χρεῶν ἄνεσισ, ᾗ μάλιστα τὴν ἐλευθερίαν ἐβεβαίωσε τοῖσ πολίταισ. οὐδὲν γὰρ ὄφελοσ νόμων ἰσότητα παρεχόντων, ἣν ἀφαιρεῖται τὰ χρέα τοὺσ πένητασ· ἀλλ’ ὅποι· μάλιστα χρῆσθαι τῇ ἐλευθερίᾳ δοκοῦσι, δουλεύουσι μάλιστα τοῖσ πλουσίοισ, ἐν τῷ δικάζειν καὶ ἄρχειν καὶ λέγειν ἐπιταττόμενοι καὶ ὑπηρετοῦντεσ. τούτου δὲ μεῖζον, ὅτι πάσῃ χρεῶν ἀποκοπῇ στάσεωσ ἑπομένησ, ἐκείνῃ μόνῃ, καθάπερ φαρμάκῳ παραβόλῳ μέν, ἰσχυρῷ δὲ χρησάμενοσ εὐκαίρωσ, καὶ τὴν οὖσαν στάσιν ἔλυσε, τῇ περὶ αὐτὸν ἀρετῇ καὶ δόξῃ τῆσ τοῦ πράγματοσ ἀδοξίασ καὶ διαβολῆσ περιγενόμενοσ.

τῆσ δ’ ὅλησ πολιτείασ τῇ μὲν ἀρχῇ λαμπρότεροσ ὁ Σόλων· ἡγήσατο γὰρ καὶ οὐκ ἠκολούθησε, καὶ καθ’ αὑτόν, οὐ μεθ’ ἑτέρων, ἔπραξε τὰ πλεῖστα καὶ μέγιστα τῶν κοινῶν τῷ τέλει δὲ ἅτεροσ εὐτυχὴσ καὶ ζηλωτόσ. τὴν μὲν γὰρ Σόλωνοσ πολιτείαν αὐτὸσ ἐπεῖδε Σόλων καταλυθεῖσαν, ἡ δὲ Ποπλικόλα μέχρι τῶν ἐμφυλίων πολέμων διεφύλαξεν ἐν κόσμῳ τὴν πόλιν ὁ μὲν γὰρ ἅμα τῷ θέσθαι τοὺσ νόμουσ ἀπολιπὼν ἐν ξύλοισ καὶ γράμμασιν ἐρήμουσ τοῦ βοηθοῦντοσ ᾤχετ’ ἀπιὼν ἐκ τῶν Ἀθηνῶν, ὁ δὲ μένων καὶ ἄρχων καὶ πολιτευόμενοσ ἵδρυσε καὶ κατέστησεν εἰσ ἀσφαλὲσ τὴν πολιτείαν.

ἔτι δ’ ἐκείνῳ μὲν οὐδὲ μέλλοντα κωλῦσαι προαισθομένῳ Πεισίστρατον ὑπῆρξεν, ἀλλ’ ἡττήθη συνισταμένησ τῆσ τυραννίδοσ·

οὗτοσ δὲ βασιλείαν ἰσχύουσαν ἐκ πολλῶν χρόνων ἤδη καὶ κρατοῦσαν ἐξέβαλε καὶ κατέλυσεν, ἀρετὴν μὲν ἴσην καὶ προαίρεσιν ὁμοίαν παρασχόμενοσ, τύχῃ δὲ καὶ δυνάμει τελεσιουργῷ πρὸσ τὴν ἀρετὴν χρησάμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Solon and Publicola, chapter 3

(플루타르코스, Comparison of Solon and Publicola, chapter 3)

상위

목록

SEARCH

MENU NAVIGATION