Plutarch, Comparison of Solon and Publicola, chapter 2

(플루타르코스, Comparison of Solon and Publicola, chapter 2)

οὕτω μὲν ὁ Σόλων κεκόσμηκε τὸν Ποπλικόλαν, τὸν Σόλωνα δ’ αὖ πάλιν ἐκεῖνοσ ἐν τῇ πολιτείᾳ παραδειγμάτων κάλλιστον ἀνδρὶ κοσμοῦντι δημοκρατίαν θέμενοσ· τῆσ μὲν γὰρ ἀρχῆσ τὸν ὄγκον ἀφελών εὐμενῆ πᾶσι καὶ ἄλυπον κατέστησε, νόμοισ δὲ πολλοῖσ ἐχρήσατο τῶν ἐκείνου, καὶ γὰρ ἀρχόντων καταστάσεωσ κυρίουσ ἐποίησε τοὺσ πολλούσ, καὶ τοῖσ φεύγουσι δίκην ἐπικαλεῖσθαι τὸν δῆμον, ὥσπερ ὁ Σόλων τοὺσ δικαστάσ, ἔδωκε. καὶ βουλὴν μὲν ἑτέραν οὐκ ἐποίησεν, ὥσπερ ὁ Σόλων, τὴν δ’ οὖσαν ηὔξησεν ἀριθμῷ μικροῦ διπλασιάσασ. ἥ τε τᾶν ταμιῶν ἐπὶ τοῖσ χρήμασι κατάστασισ ἐκεῖθεν ἦλθεν, ὅπωσ ὁ ἄρχων μήτ’ εἰ χρηστόσ ἐστιν ἀσχολίαν ἔχῃ πρὸσ τὰ μείζω, μήτ’ εἰ φαῦλοσ ἀφορμὰσ τοῦ ἀδικεῖν μᾶλλον, καὶ τῶν πράξεων καὶ τῶν χρημάτων κύριοσ γενόμενοσ.

τὸ δὲ μισοτύραννον ἐν τῷ Ποπλικόλᾳ σφοδρότερον. εἰ γάρ τισ ἐπιχειροίη τυραννεῖν, ὁ μὲν ἁλόντι τὴν δίκην ἐπιτίθησιν, ὁ δὲ καὶ πρὸ τῆσ κρίσεωσ ἀνελεῖν δίδωσι. σεμνυνομένου δὲ τοῦ Σόλωνοσ ὀρθῶσ καὶ δικαίωσ ὅτι καὶ τῶν πραγμάτων αὐτῷ διδόντων τυραννεῖν καὶ τῶν πολιτῶν οὐκ ἀκουσίωσ δεχομένων ἀπεῖπεν, οὐχ ἧττον ὑπάρχει καλὸν τῷ Ποπλικόλᾳ τὸ λαβόντα τυραννικὴν ἀρχὴν ποιῆσαι δημοτικωτέραν καὶ μηδ’ οἷσ ἐξῆν ἔχοντα χρήσασθαι.

καὶ τοῦτο δ’ ἐοίκε συνιδεῖν πρότεροσ ὁ Σόλων, ὅτι δῆμοσ ὧδ’ ἂν ἄριστα σὺν ἡγεμόνεσσιν ἕποιτο, μήτε λίην ἀνεθεὶσ μήτε πιεζόμενοσ.

상위

Plutarch (플루타르코스)

목록

일치하는 문장이 없습니다.

SEARCH

MENU NAVIGATION