호흡부호 보기
강세부호 보기
장단부호 보기
작은 Iota 보기
모든 부호 보기
εἶτα κοιμηθεὶσ ὕπνον βαθύν, ὥστε τοὺσ ἐκτὸσ αἰσθέσθαι, περὶ μέσασ νύκτασ ἐκάλει τῶν ἀπελευθέρων Κλεάνθην τὸν ἰατρὸν καὶ Βούταν, ᾧ μάλιστα πρὸσ τὰσ πολιτικὰσ πράξεισ ἐχρῆτο. καὶ τοῦτον μὲν ἐπὶ θάλατταν ἔπεμψεν, ὅπωσ σκεψάμενοσ εἰ πάντεσ ἀνηγμένοι τυγχάνουσι, φράσοι πρὸσ αὐτόν τῷ δὲ ἰατρῷ τὴν χεῖρα φλεγμαίνουσαν ὑπὸ τῆσ πληγῆσ ἣν ἔπληξε τὸν οἰκέτην, ἐπιδῆσαι παρέσχε, καὶ τοῦτ’ ἐποίησεν ἡδίουσ ἅπαντασ, ὡσ ζωτικῶσ ἔχοντοσ αὐτοῦ. μετ’ ὀλίγον δὲ παρῆν ὁ Βούτασ ἀπαγγέλλων τοὺσ μὲν ἄλλουσ ἀνῆχθαι, Κράσσον δὲ λείπεσθαι ὑπὸ ἀσχολίασ τινόσ, ὅσον δὲ οὔπω καὶ τοῦτον ἐμβαίνειν, πολὺν δὲ χειμῶνα καὶ μέγα πνεῦμα κατέχειν τὴν θάλατταν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기