헬라어 문장 검색 - Πλυταρ́Ξατοτηέ65́

(플루타르코스, Cato the Younger, chapter 65)

τοιαῦτα διαλεχθεὶσ τοῖσ τριακοσίοισ ἀπηλλάττετο· καὶ τραπόμενοσ πρὸσ τοὺσ συγκλητικοὺσ ἐκέλευε μὴ μέλλειν, ἀλλ’ ἑώσ παραμένουσιν οἱ ἱππεῖσ σῴζεσθαι. καὶ τὰσ μὲν ἄλλασ ἀπέκλεισε θύρασ, μιᾷ δὲ τῇ πρὸσ θάλασσαν φερούσῃ τά τε πλοῖα τοῖσ ὑφ’ ἑαυτὸν διένειμε καὶ τάξεωσ ἐπεμελεῖτο, παύων τὰσ ἀδικίασ καὶ διαλύων τοὺσ θορύβουσ, καὶ τοὺσ ἀπόρωσ ἔχοντασ ἐφοδιάζων. "εἶτα θαυμάζομεν ὅπωσ ἀπόλωλε τὰ πράγματα, τήν φιλαρχίαν ὁρῶντεσ ἡμῖν ἐν αὐτῷ τῷ ὀλέθρῳ βεβηκόσι παραμένουσαν;

ἐν τούτῳ δὲ τοὺσ ἱππεῖσ ἀκούσασ ἀπιόντασ ἤδη φέρειν καὶ ἄγειν τὰ τῶν Ἰτυκαίων ὥσπερ λάφυρα, δρόμῳ συνέτεινε πρὸσ αὐτούσ καὶ τοῖσ πρώτοισ ἐντυχὼν ἀφῃρεῖτο, τῶν δὲ ἄλλων ἕκαστοσ ἔφθανε ῥίπτων καὶ κατατιθέμενοσ, πάντεσ δὲ ὑπ’ αἰσχύνησ σιωπῇ καὶ κάτω βλέποντεσ ἀπῄεσαν.

ὁ δὲ Κάτων εἰσ τήν πόλιν τοὺσ Ἰτυκαίουσ συναγαγών ἐδεῖτο περὶ τῶν τριακοσίων, μὴ παροξῦναι Καίσαρα κατ’ αὐτῶν, ἀλλὰ καὶ κοινῇ τήν σωτηρίαν πράττειν ἀλλήλοισ. εἶτα πάλιν τραπόμενοσ πρὸσ τήν θάλατταν ἐπεσκόπει τοὺσ ἐμβαίνοντασ, καὶ τῶν φίλων καὶ ξένων ὅσουσ ἔπεισεν ἠσπάζετο καὶ προὔπεμπε.

τὸν δὲ υἱὸν οὐκ ἔπεισε λαβεῖν πλοῖον, οὐδὲ ᾤετο δεῖν ἀποτρέπειν περιεχόμενον τοῦ πατρόσ, ἦν δέ τισ Στατύλλιοσ, ἀνὴρ τῇ μὲν ἡλικίᾳ, νέοσ, ἰσχυρὸσ δέ τῇ γνώμῃ βουλόμενοσ εἶναι καὶ τοῦ Κάτωνοσ ἀπομι· μεῖσθαι τὴν ἀπάθειαν.

τοῦτον ἠξίου πλεῖν· καὶ γὰρ ἦν καταφανὴσ μισοκαῖσαρ· αὐτὸσ δὲ τοὺσ λοιποὺσ συνεκπέμπων καὶ χρηματίζων τοῖσ δεομένοισ τήν τε νύκτα διέτριβε περὶ ταῦτα καὶ τῆσ ἐπιούσησ ἡμέρασ τὸ πλεῖστον μέροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cato the Younger, chapter 65

(플루타르코스, Cato the Younger, chapter 65)

상위

목록

SEARCH

MENU NAVIGATION