Plutarch, Cato the Younger, chapter 59 1:

(플루타르코스, Cato the Younger, chapter 59 1:)

τούτων προσπεσόντων ἡ μὲν πόλισ, οἱο͂ν εἰκὸσ ἐν νυκτὶ καὶ πολέμῳ, πρὸσ τοιοῦτον ἄγγελμα μικροῦ δεῖν ἔκφρων γενομένη μόλισ ἑαυτὴν ἐντὸσ τειχῶν κατεῖχεν, ὁ δὲ Κάτων προελθὼν τότε μέν, ὡσ ἑκάστοισ ἀπήντα διαθέουσι καὶ βοῶσιν, ἐπιλαμβανόμενοσ καὶ παραμυθούμενοσ ἀφῄρει τοῦ δέουσ τὸ περιθαμβὲσ καὶ ταραχῶδεσ, ὡσ οὐ τηλικούτων ἴσωσ γεγονότων, ἀλλὰ ἐπὶ μεῖζον αἰρομένων τῷ λόγῳ, καὶ κατέστησε τὸν θόρυβον ἅμα δ’ ἡμέρᾳ τοὺσ τριακοσίουσ οἷσ ἐχρῆτο βουλῇ, Ῥωμαίουσ μὲν ὄντασ, ἐν δὲ Λιβύῃ πραγματευομένουσ ἀπὸ ἐμπορίασ καὶ δανεισμῶν, εἰσ ἱερὸν Διὸσ ἐκήρυττε συνιέναι, καὶ ὅσοι παρῆσαν ἀπὸ συγκλήτου, καὶ παῖδασ αὑτῶν, ἔτι δὲ συλλεγομένων ἐκείνων προσελθὼν ἀθορύβωσ καὶ μετὰ εὐσταθείασ, ὥσπερ οὐδενὸσ καινοῦ γεγονότοσ, βιβλίον ἔχων ἐν ταῖσ χερσὶν ἀνεγίνωσκεν.

일치하는 문장이 없습니다.

SEARCH

MENU NAVIGATION