헬라어 문장 검색 - Πλυταρ́Ξατοτηέ59́

(플루타르코스, Cato the Younger, chapter 59)

τούτων προσπεσόντων ἡ μὲν πόλισ, οἱο͂ν εἰκὸσ ἐν νυκτὶ καὶ πολέμῳ, πρὸσ τοιοῦτον ἄγγελμα μικροῦ δεῖν ἔκφρων γενομένη μόλισ ἑαυτὴν ἐντὸσ τειχῶν κατεῖχεν, ὁ δὲ Κάτων προελθὼν τότε μέν, ὡσ ἑκάστοισ ἀπήντα διαθέουσι καὶ βοῶσιν, ἐπιλαμβανόμενοσ καὶ παραμυθούμενοσ ἀφῄρει τοῦ δέουσ τὸ περιθαμβὲσ καὶ ταραχῶδεσ, ὡσ οὐ τηλικούτων ἴσωσ γεγονότων, ἀλλὰ ἐπὶ μεῖζον αἰρομένων τῷ λόγῳ, καὶ κατέστησε τὸν θόρυβον ἅμα δ’ ἡμέρᾳ τοὺσ τριακοσίουσ οἷσ ἐχρῆτο βουλῇ, Ῥωμαίουσ μὲν ὄντασ, ἐν δὲ Λιβύῃ πραγματευομένουσ ἀπὸ ἐμπορίασ καὶ δανεισμῶν, εἰσ ἱερὸν Διὸσ ἐκήρυττε συνιέναι, καὶ ὅσοι παρῆσαν ἀπὸ συγκλήτου, καὶ παῖδασ αὑτῶν, ἔτι δὲ συλλεγομένων ἐκείνων προσελθὼν ἀθορύβωσ καὶ μετὰ εὐσταθείασ, ὥσπερ οὐδενὸσ καινοῦ γεγονότοσ, βιβλίον ἔχων ἐν ταῖσ χερσὶν ἀνεγίνωσκεν. ἦν δὲ ἀναγραφὴ τῶν πρὸσ τὸν πόλεμον ὀργάνων, ὅπλων, σίτου, τόξων, ὁπλιτῶν.

ἐπεὶ δὲ συνῆλθον, ἀρξάμενοσ ἀπὸ τῶν τριακοσίων καὶ διελθὼν πολὺν ἔπαινον τῆσ προθυμίασ αὑτῶν καὶ τῆσ πίστεωσ, ἣν ἐπεδείξαντο καὶ χρήμασι καὶ σώμασι καὶ βουλαῖσ ὠφελιμώτατοι γενόμενοι, παρεκάλει μὴ διαλυθῆναι ταῖσ ἐλπίσιν ἕκαστον αὑτῷ φυγὴν ἰδίαν ἢ ἀπόδρασίν τινα ποριζόμενον.

ἂν γὰρ ἐν ταὐτῷ συμμένωσι, καὶ πολεμούντων ἧττον καταφρονήσειν Καίσαρα, καὶ φείσεσθαι μᾶλλον δεομένων. αὐτῆσ τε τῆσ Ῥώμησ οὔπω δι’ ἀήθειαν παντάπασι δεδεγμένησ τὸν χαλινόν, ἀλλ’ ἀναξιοπαθούσησ καὶ συνεξανισταμένησ πρὸσ πᾶσαν μεταβολήν, οὐδὲ τὸν κίνδυνον εἶναι φευκτέον, ἀλλὰ ἔχειν διδάσκαλον τὸν πολέμιον ἀφειδοῦντα τῆσ ψυχῆσ ἐπὶ ταῖσ μεγίσταισ ἀδικίαισ, οὐχ ὥσπερ ἑαυτοῖσ εἰσ τὸν εὐτυχέστατον βίον κατορθοῦσιν ἢ πταίουσιν εἰσ τὸν εὐκλεέστατον θάνατον τὴν ἀδηλότητα τοῦ πολέμου τελευτᾶν.

οὐ μὴν ἀλλ’ ἐκείνουσ γε δεῖν ἔφη βουλεύεσθαι καθ’ ἑαυτούσ, συνευχόμενοσ ἀντὶ τῆσ πρόσθεν ἀρετῆσ καὶ προθυμίασ αὐτοῖσ τὰ δόξαντα συνενεγκεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cato the Younger, chapter 59

(플루타르코스, Cato the Younger, chapter 59)

상위

목록

SEARCH

MENU NAVIGATION