헬라어 문장 검색 - Πλυταρ́Ξατοτηέ58́

(플루타르코스, Cato the Younger, chapter 58)

ἐπεὶ μέντοι τὴν ἀρχὴν ὁ Σκηπίων παραλαβὼν εὐθὺσ ἐβούλετο Ιὄβᾳ χαριζόμενοσ Ἰτυκαίουσ ἡβηδὸν ἀποκτεῖναι καί κατασκάψαι τὴν πόλιν ὡσ τὰ Καίσαροσ φρονοῦσαν, οὐχ ὑπέμεινεν ὁ Κάτων, ἀλλὰ μαρτυρόμενοσ καί κεκραγὼσ ἐν τῷ συνεδρίῳ καί θεοκλυτῶν μόλισ ἐξείλετο τῆσ ὠμότητοσ αὐτῶν τοὺσ ἀνθρώπουσ· καί τὰ μὲν αὐτῶν δεηθέντων, τὰ δὲ τοῦ Σκηπίωνοσ ἀξιοῦντοσ, ἀνεδέξατο φρουρήσειν τὴν πόλιν, ὡσ μήτε ἄκουσα μήτε ἑκοῦσα Καίσαρι προσγένοιτο.

καί γὰρ ἦν εἰσ ἅπαντα τὸ χωρίον ὠφέλιμον καί διαρκὲσ τοῖσ ἔχουσιν ἔτι δὲ μᾶλλον ὑπὸ τοῦ Κάτωνοσ ἐρρώσθη. καί γὰρ σῖτον εἰσήγαγεν ὑπερβάλλοντα πλήθει καί κατεσκεύαζε τὰ τείχη πύργουσ ἐπαιρόμενοσ καί τάφρουσ ὀχυρὰσ καί χαρακώματα πρὸ τῆσ πόλεωσ βαλλόμενοσ. Ἰτυκαίων δὲ τοὺσ μὲν ἡβῶντασ ἐν τοῖσ χαρακώμασιν ἔταξεν οἰκεῖν, τὰ ὅπλα παραδόντασ αὐτῷ, τοὺσ δὲ ἄλλουσ ἐν τῇ πόλει συνεῖχεν, ἰσχυρῶσ ἐπιμελόμενοσ μὴ ἀδικεῖσθαι μηδὲ πάσχειν κακῶσ ὑπὸ τῶν Ῥωμαίων.

ὅπλα δὲ πολλὰ καί χρήματα καί σῖτον ἐξέπεμψε τοῖσ ἐπὶ στρατοπέδου, καί ὅλωσ εἶχε τοῦ πολέμου τὴν πόλιν ταμιεῖον. ἃ δὲ Πομπηϊῴ συνεβούλευε πρότερον καί τότε Σκηπίωνι, μὴ μάχεσθαι πρὸσ ἄνδρα πολεμιστὴν καί δεινόν, ἀλλὰ τῷ χρόνῳ χρῆσθαι πᾶσαν ἀκμὴν ᾗ τυραννὶσ ἰσχύει μαραίνοντι, τούτων ὁ Σκηπίων ὑπὸ αὐθαδείασ κατεφρόνει·

καί ποτε τῷ Κάτωνι δειλίαν ὀνειδίζων ἔγραψεν, εἰ μὴ μόνον αὐτὸσ ἀγαπᾷ καθήμενοσ ἐν πόλει καί τείχεσιν, ἀλλὰ μηδὲ ἑτέρουσ ἐᾷ πρὸσ τὸν καιρὸν εὐθαρσῶσ χρῆσθαι τοῖσ λογισμοῖσ. πρὸσ ταῦτα ὁ Κάτων ἀντέγραψεν ὡσ ἕτοιμόσ ἐστιν οὓσ ἤγαγεν αὐτὸσ εἰσ Λιβύην ὁπλίτασ καί ἱππεῖσ παραλαβὼν εἰσ Ἰταλίαν περαιοῦν, καί Καίσαρα μεθιστάναι καί τρέπειν ἀπ’ ἐκείνων πρὸσ αὑτόν, ὡσ δὲ καί τούτων ὁ Σκηπίων κατεγέλα, πάνυ δῆλοσ ἦν ἀχθόμενοσ ὁ Κάτων τῇ παραχωρήσει τῆσ ἀρχῆσ, ὡσ οὔτε τῷ πολέμῳ καλῶσ τὸν Σκηπίωνα χρησόμενον, οὔτε, ἂν παραλόγωσ εὐτυχήσῃ, μέτριον ἐν τῷ κρατεῖν πρὸσ τοὺσ πολίτασ ἐσόμενον.

διὸ καὶ γνώμην εἶχεν ὁ Κάτων, καὶ πρὸσ τοὺσ συνήθεισ ἔλεγεν, οὐ χρηστὰσ μὲν ἐλπίδασ ἔχειν ὑπὲρ τοῦ πολέμου δι’ ἀπειρίαν καί θρασύτητα τῶν ἡγεμόνων, εἰ δ’ οὖν εὐτυχία τισ γένοιτο καί καταλυθείη Καῖσαρ, οὐ μενεῖν ἐν Ῥώμῃ, φεύξεσθαι δὲ τὴν χαλεπότητα καί πικρίαν τοῦ Σκηπίωνοσ, ἤδη τότε δεινὰσ καί ὑπερηφάνουσ ποιουμένου κατὰ πολλῶν ἀπειλάσ.

ἀπέβη δὲ μᾶλλον ἢ προσεδόκα·

καί περὶ ἑσπέραν βαθεῖαν ἧκέ τισ ἀπὸ στρατοπέδου τριταῖοσ ἀγγέλλων ὅτι μάχησ μεγάλησ πρὸσ Θάψῳ γενομένησ διέφθαρται παντάπασι τὰ πράγματα καὶ κρατεῖ Καῖσαρ τῶν στρατοπέδων, Σκηπίων δὲ καί Ιὄβασ σὺν ὀλίγοισ ἐκπεφεύγασιν, ἡ δὲ ἄλλη δύναμισ ἀπόλωλε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cato the Younger, chapter 58

(플루타르코스, Cato the Younger, chapter 58)

상위

목록

SEARCH

MENU NAVIGATION