헬라어 문장 검색 - Πλυταρ́Ξατοτηέ30́

(플루타르코스, Cato the Younger, chapter 30)

Πομπήϊοσ δὲ μέγασ ἀπὸ τῆσ στρατείασ ἐπανιών, καὶ τῇ λαμπρότητι καὶ προθυμίᾳ τῆσ ὑποδοχῆσ πεποιθὼσ οὐδὲν ἂν δεηθεὶσ ἀποτυχεῖν τῶν πολιτῶν, προὔπεμψεν ἀξιῶν τὰσ ὑπατικὰσ ἀρχαιρεσίασ ἀναβαλέσθαι τὴν σύγκλητον, ὡσ ἂν αὐτὸσ παρὼν Πείσωνι συναρχαιρεσιάσῃ. τῶν δὲ πλείστων ὑπεικόντων, οὐ τὴν ἀναβολὴν μέγιστον ὁ Κάτων ἡγούμενοσ, ἀλλὰ τὴν πεῖραν ἀποκόψαι καὶ τὴν ἐλπίδα τοῦ Πομπηϊού βουλόμενοσ, ἀντεῖπε καὶ μετέστησε τὴν βουλήν, ὥστε ἀποψηφίσασθαι.

τοῦτο τὸν Πομπήϊον οὐχ ἡσυχῇ διετάραξε· καὶ νομίζων οὐ μικρὰ προσπταίσειν τῷ Κάτωνι μὴ φίλῳ γενομένῳ, μετεπέμψατο Μουνάτιον, ἑταῖρον αὐτοῦ· καὶ δύο τοῦ Κάτωνοσ ἀδελφιδᾶσ ἐπιγάμουσ ἔχοντοσ ᾔτει τὴν μὲν πρεσβυτέραν ἑαυτῷ γυναῖκα, τὴν δὲ νεωτέραν τῷ υἱῷ. τινὲσ δέ φασιν οὐ τῶν ἀδελφιδῶν, ἀλλὰ τῶν θυγατέρων τὴν μνηστείαν γενέσθαι, τοῦ δὲ Μουνατίου ταῦτα πρὸσ τὸν Κάτωνα καὶ τὴν γυναῖκα καὶ τὰσ ἀδελφὰσ φράσαντοσ, αἱ μὲν ὑπερηγάπησαν τὴν οἰκειότητα πρὸσ τὸ μέγεθοσ καὶ τὸ ἀξίωμα τοῦ ἀνδρόσ, ὁ δὲ Κάτων οὔτ’ ἐπισχὼν οὔτε βουλευσάμενοσ, ἀλλὰ πληγεὶσ εὐθὺσ εἶπε·

"βάδιζε, Μουνάτιε, βάδιζε, καὶ λέγε πρὸσ Πομπήϊον ὡσ Κάτων οὐκ ἔστι διὰ τῆσ γυναικωνίτιδοσ ἁλώσιμοσ, ἀλλὰ τὴν μὲν εὔνοιαν ἀγαπᾷ, καὶ τὰ δίκαια ποιοῦντι φιλίαν παρέξει πάσησ πιστοτέραν οἰκειότητοσ, ὅμηρα δὲ οὐ προήσεται τῇ Πομπηϊού δόξῃ κατὰ τῆσ πατρίδοσ.

ἐπὶ τούτοισ ἤχθοντο μὲν αἱ γυναῖκεσ, ᾐτιῶντο δὲ οἱ φίλοι τοῦ Κάτωνοσ ὡσ ἄγροικον ἅμα καὶ ὑπερήφανον τὴν ἀπόκρισιν. εἶτα μέντοι πράττων τινὶ τῶν φίλων ὑπατείαν ὁ Πομπήϊοσ ἀργύριον εἰσ τὰσ φυλὰσ ἔπεμπε, καὶ περιβόητοσ ὁ δεκασμὸσ ἦν, ἐν κήποισ ἐκείνου τῶν χρημάτων ἀριθμουμένων.

εἰπόντοσ οὖν τοῦ Κάτωνοσ πρὸσ τὰσ γυναῖκασ ὅτι τοιούτων ἦν κοινωνεῖν καὶ ἀναπίμπλασθαι πραγμάτων ἀνάγκη Πομπηϊῴ συναφθέντα δι’ οἰκειότητοσ, ὡμολόγουν ἐκεῖναι κάλλιον αὐτὸν βεβουλεῦσθαι διακρουσάμενον. εἰ δὲ δεῖ πρὸσ τὰ συμβάντα κρίνειν, τοῦ παντὸσ ἐοίκεν ὁ Κάτων ἁμαρτεῖν τὴν οἰκειότητα μὴ δεξάμενοσ, ἀλλ’ ἐάσασ πρὸσ Καίσαρα τραπέσθαι καὶ γῆμαι γάμον ὃσ τὴν Πομπηϊού δύναμιν καὶ Καίσαροσ εἰσ ταὐτὸ συνενεγκών ὀλίγου τὰ μὲν Ῥωμαίων ἀνέτρεψε πράγματα, τὴν δὲ πολιτείαν ἀνεῖλεν, ὧν οὐθὲν ἂν ἴσωσ συνέπεσεν, εἰ μὴ Κάτων τὰ μικρὰ τοῦ Πομπηϊού φοβηθεὶσ ἁμαρτήματα τὸ μέγιστον περιεῖδεν, αὐτὸν ἑτέρῳ δύναμιν προσγενόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cato the Younger, chapter 30

(플루타르코스, Cato the Younger, chapter 30)

상위

목록

SEARCH

MENU NAVIGATION