Plutarch, Cato the Younger, chapter 14 2:

(플루타르코스, Cato the Younger, chapter 14 2:)

καὶ πολλὰ μὲν εὐθὺσ ἐν τῷ φιλοφρονεῖσθαι καὶ ἀσπάζεσθαι παρόντα, πλείω δὲ ἔτι μεταστάντοσ ἐγκώμια διῆλθεν αὐτοῦ τῆσ ἀρετῆσ, ὥστε πάντασ ἐπιστρεφομένουσ καὶ προσέχοντασ ἤδη τῷ Κάτωνι, θαυμάζειν ἐξ ὧν πρότερον κατεφρονεῖτο, καὶ πρᾳότητα καὶ μεγαλοψυχίαν ἀναθεωρεῖν. καὶ γὰρ ἡ Πομπηϊού σπουδὴ περὶ αὐτόν οὐκ ἐλάνθανε θεραπεύοντοσ οὖσα μᾶλλον ἢ φιλοῦντοσ, ἀλλ’ ἔγνωσαν ὅτι θαυμάζει μὲν παρὄντα, χαίρει δὲ ἀπερχομένῳ. τοὺσ γὰρ ἄλλουσ νέουσ, ὅσοι παρ’ αὐτόν ἀφικνοῦντο, φιλοτιμούμενοσ κατεῖχε καὶ ποθῶν αὐτῷ συνεῖναι, τοῦ δὲ Κάτωνοσ οὐδὲν ἐδεήθη τοιοῦτον, ἀλλ’ ὥσπερ οὐκ ἀνυπεύθυνοσ ἄρχων ἐκείνου παρόντοσ ἐξέπεμψεν ἄσμενοσ, μόνῳ σχεδὸν ἐκείνῳ τῶν εἰσ Ῥώμην πλεόντων τὰ τέκνα καὶ τὴν γυναῖκα παρακαταθέμενοσ, ἄλλωσ αὐτῷ προσήκοντα καὶ διὰ συγγένειαν.

일치하는 문장이 없습니다.

SEARCH

MENU NAVIGATION