호흡부호 보기
강세부호 보기
장단부호 보기
작은 Iota 보기
모든 부호 보기
τοῦ δὲ πάθουσ εἰσ τὴν πόλιν ἐξαγγελθέντοσ καὶ τῶν τριῶν σωμάτων ἐκκομιζομένων οὐκ ἦν ὁ φόβοσ οὕτω μέγασ, ὥστε μὴ καταφανεῖσ εἶναι τοὺσ πολίτασ ἀλγοῦντασ μὲν ἐπὶ τοῖσ γεγονόσι, μισοῦντασ δὲ τὸν Λεωνίδαν καὶ τὸν Ἀμφάρην, μηδὲν δεινότερον μηδὲ ἀνοσιώτερον ἐξ οὗ Δωριεῖσ Πελοπόννησον οἰκοῦσιν οἰομένουσ ἐν Σπάρτῃ πεπρᾶχθαι. βασιλεῖ γὰρ, ὡσ ἐοίκε, Λακεδαιμονίων οὐδὲ οἱ πολέμιοι ῥᾳδίωσ ἐν ταῖσ μάχαισ ἀπαντῶντεσ προσέφερον τὰσ χεῖρασ, ἀλλ’ ἀπετρέποντο δεδιότεσ καὶ σεβόμενοι τὸ ἀξίωμα, διὸ καὶ πολλῶν γεγονότων Λακεδαιμονίοισ ἀγώνων πρὸσ Ἕλληνασ εἷσ μόνοσ ἀνῃρέθη πρὸ τῶν Φιλιππικῶν δόρατι πληγεὶσ περὶ Λεῦκτρα Κλεόμβροτοσ.
πληγῆναι δὲ μόνον, ἀλλὰ ταῦτα μὲν ἔχει τινὰσ ἀμφιλογίασ, ἐν δὲ Λακεδαίμονι πρῶτοσ Ἆγισ βασιλεύων ὑπὸ τῶν ἐφόρων ἀπέθανε, καλὰ μὲν ἔργα καὶ πρέποντα τῇ Σπάρτῃ προελόμενοσ, ἡλικίασ δὲ γεγονὼσ ἐν ᾗ ἁμαρτάνοντεσ ἄνθρωποι συγγνώμησ τυγχάνουσι, μεμφθεὶσ δὲ ὑπὸ τῶν φίλων δικαιότερον ἢ τῶν ἐχθρῶν, ὅτι καὶ Λεωνίδαν περιέσωσε καὶ τοῖσ ἄλλοισ ἐπίστευσεν, ἡμερώτατοσ καὶ πραότατοσ γενόμενοσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기