헬라어 문장 검색 - Πλυταρ́Αγισ́14́

(플루타르코스, Agis, chapter 14)

οἱ δὲ τὸν Ἆγιν εὐθὺσ ἐξέπεμπον ἐπηρμένον τῇ φιλοτιμίᾳ καὶ προθυμίᾳ τῶν συστρατευομένων, νέοι γὰρ ὄντεσ οἱ πλεῖστοι καὶ πένητεσ, καὶ τὴν μὲν ἀπὸ τῶν χρεῶν ἄδειαν ἔχοντεσ ἤδη καὶ λελυμένοι, τοὺσ δὲ ἀγροὺσ ἐλπίζοντεσ, ἂν ἐπανέλθωσιν ἐκ τῆσ στρατείασ, νεμηθήσεσθαι, θαυμαστοὺσ τῷ Ἄγιδι παρεῖχον ἑαυτούσ· καὶ θέαμα ταῖσ πόλεσιν ἦσαν ἀβλαβῶσ καὶ πράωσ καὶ μονονοὺκ ἀψοφητὶ διαπορευόμενοι τὴν Πελοπόννησον, ὥστε θαυμάζειν καὶ διαλογίζεσθαι τοὺσ Ἕλληνασ οἱο͂σ ἦν ἄρα κόσμοσ Λακωνικοῦ στρατεύματοσ Ἀγησίλαον ἔχοντοσ ἢ Λύσανδρον ἐκεῖνον ἢ Λεωνίδαν τὸν παλαιὸν ἡγούμενον, ὅπου πρὸσ μειράκιον ὀλίγου δεῖν νεώτατον ἁπάντων αἰδὼσ τοσαύτη καὶ φόβοσ ἐστὶ τῶν συστρατευομένων.

καὶ μέντοι καὶ αὐτὸσ ὁ νεανίσκοσ εὐτελείᾳ καὶ φιλοπονίᾳ, καὶ τῷ μηδὲν ἰδιώτου λαμπρότερον ἠμφιέσθαι καὶ ὡπλίσθαι σεμνυνόμενοσ ἀξιοθέατοσ ἦν καὶ ζηλωτὸσ ὑπὸ τῶν πολλῶν ἐπεὶ τοῖσ γε πλουσίοισ οὐκ ἤρεσκεν ὁ νεωτερισμὸσ αὐτοῦ, δεδιόσι μὴ κίνημα καὶ παράδειγμα τοῖσ πανταχόσε δήμοισ γένηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Agis, chapter 14

(플루타르코스, Agis, chapter 14)

상위

목록

SEARCH

MENU NAVIGATION