Plutarch, Agis, chapter 15

(플루타르코스, Agis, chapter 15)

συμμίξασ δὲ τῷ Ἀράτῳ περὶ Κόρινθον ὁ Ἆγισ ἔτι βουλευομένῳ περὶ μάχησ καὶ παρατάξεωσ πρὸσ τοὺσ πολεμίουσ, ἐπεδείξατο καὶ προθυμίαν πολλὴν καὶ τόλμαν οὐ μανικὴν οὐδὲ ἀλόγιστον. ἔφη γὰρ αὐτῷ μὲν δοκεῖν διαμάχεσθαι καὶ μὴ παριέναι τὸν πόλεμον εἴσω, τὰσ πύλασ τῆσ Πελοποννήσου προεμένουσ, ποιήσειν δὲ τὸ δοκοῦν Ἀράτῳ· καὶ γὰρ πρεσβύτερόν τε εἶναι καὶ στρατηγεῖν Ἀχαιῶν, οἷσ οὐχὶ προστάξων οὐδὲ ἡγησόμενοσ, ἀλλὰ συστρατευσόμενοσ ἥκοι καὶ βοηθήσων. ὁ δὲ Σινωπεὺσ Βάτων αὐτὸν οὐκ ἐθέλειν μάχεσθαί φησι τὸν Ἆγιν Ἀράτου κελεύοντοσ, οὐκ ἐντετυχηκὼσ οἷσ Ἄρατοσ γέγραφε περὶ τούτων, ἀπολογιζόμενοσ ὅτι βέλτιον ἡγεῖτο, τοὺσ καρποὺσ σχεδὸν ἅπαντασ συγκεκομισμένων ἤδη τῶν γεωργῶν, παρελθεῖν τοὺσ πολεμίουσ ἢ μάχῃ διακινδυνεῦσαι περὶ τῶν ὅλων.

ἐπεὶ δ’ οὖν Ἄρατοσ ἀπέγνω μάχεσθαι καὶ τοὺσ συμμάχουσ ἐπαινέσασ διαφῆκε, θαυμασθεὶσ ὁ Ἆγισ ἀνεζεύγνυεν, ἤδη τῶν ἔνδον ἐν Σπάρτῃ θόρυβον πολὺν ἐχόντων καὶ μεταβολήν.

일치하는 문장이 없습니다.

SEARCH

MENU NAVIGATION