호흡부호 보기
강세부호 보기
장단부호 보기
작은 Iota 보기
모든 부호 보기
ὁ γὰρ Ἀγησίλαοσ ἐφορεύων, ἀπηλλαγμένοσ οἷσ ταπεινὸσ ἦν πρότερον, οὐδενὸσ ἐφείδετο φέροντοσ ἀργύριον ἀδικήματοσ, ἀλλὰ μῆνα τρισκαιδέκατον, οὐκ ἀπαιτούσησ τότε τῆσ περιόδου, παρὰ τὴν νενομισμένην τάξιν τῶν χρόνων ἐνέβαλε τοῖσ τέλεσι καὶ παρέπραττε, δεδιὼσ δὲ τοὺσ ἀδικουμένουσ καὶ μισούμενοσ ὑπὸ πάντων ἔτρεφε μαχαιροφόρουσ, καὶ φυλαττόμενοσ ὑπὸ τούτων κατέβαινεν εἰσ τὸ ἀρχεῖον. καὶ τῶν βασιλέων τοῦ μὲν ὅλωσ καταφρονεῖν, τὸν δὲ Ἆγιν ἐβούλετο δοκεῖν διὰ τὴν συγγένειαν μᾶλλον ἢ διὰ τὴν βασιλείαν ἔν τινι τιμῇ τίθεσθαι.
διέδωκε δὲ λόγον ὡσ καὶ αὖθισ ἐφορεύσων. διὸ καὶ θᾶσσον ἀποκινδυνεύσαντεσ οἱ ἐχθροὶ καὶ συστάντεσ ἐκ Τεγέασ ἀναφανδὸν τὸν Λεωνίδαν ἐπὶ τὴν ἀρχὴν κατήγαγον, ἡδέωσ καὶ τῶν πολλῶν θεασαμένων· ὠργίζοντο γὰρ πεφενακισμένοι τῆσ χώρασ μὴ νεμηθείσησ. τὸν μὲν οὖν Ἀγησίλαον ὁ υἱὸσ Ἱππομέδων, δεόμενοσ τῶν πολιτῶν καὶ πᾶσι προσφιλὴσ ὢν δι’ ἀνδραγαθίαν, ὑπεξήγαγε καὶ διέσωσε·
τῶν δὲ βασιλέων ὁ μὲν Ἆγισ ἐπὶ τὴν Χαλκίοικον κατέφυγεν, ὁ δὲ Κλεόμβροτοσ εἰσ τὸ τοῦ Ποσειδῶνοσ ἱερὸν ἐλθὼν ἱκέτευε· καὶ γὰρ ἐδόκει τούτῳ μᾶλλον ὁ Λεωνίδασ χαλεπὸσ εἶναι, καὶ παρεὶσ τὸν Ἆγιν ἐπὶ τοῦτον ἀνέβη στρατιώτασ ἔχων καὶ κατηγόρει μετ’ ὀργῆσ ὅτι γαμβρὸσ ὢν ἐπεβούλευσεν αὐτῷ καὶ τὴν βασιλείαν ἀφείλετο καὶ συνεξέβαλε τῆσ πατρίδοσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기